काठमाडौं । विश्वकपको अन्तिम १६ को खेलमा जापानलाई हराउँदै साबिक उपविजेता क्रोएसिया क्वार्टरफाइनलमा प्रवेश गरेको छ । खेलको निर्धारित ९० मिनेटको खेल १–१ को बराबरीसँगै खेल अतिरिक्त समय धकेलिएको थियो ।
उक्त समयमा पनि गोल हुन नसकेपछि माथिल्लो चरणमा जाने टोलीको टुंगो पेनाल्टी सुटआउटबाट भएको हो ।पेनाल्टी सुटआउटमा क्रोएसिया ३–१ ले विजयी भयो ।
पेनाल्टीबाट क्रोएसियाका गोलकिपर डोमिनिक लिभाकोभिच चम्किएका छन् । उनले जापानले प्रहार गरेको तीन गोल रोकेका थिए ।
क्रोएसियाका निकोला भ्लासिच, मारियो पासालीच र मार्सेलो ब्रोजोभिचले पेनाल्टीमा गोल गरे । मार्को लिभाजा पेनाल्टीमा चुके ।
जापानका ताकुमा असानोले गोल गर्दा ताकुमी मिनामिनो, माया योशिदा र कोरु मितोमाले गोल गर्न सकेनन् ।
पेनाल्टीमा जानु अघि खेलमा सुरुआती अग्रता भने जापानले बनाएको थियो । खेलको ४३ औं मिनेटमा डाईजेन माएडाले गोल गर्दै जापानलाई १-० को अग्रता दिलाएका थिए । योशिदाको पासमा उनले गोल गरेका हुन् ।
तर, दोस्रो हाफमा क्रोएसिया खेलमा फर्किएको थियो । खेलको ५५ औं मिनेटमा इभान पेरिसिचले गोल गर्दै क्रोएसियालाई १-१ गोलको बराबरीमा ल्याएका थिए । उनले डेजोन लेभ्रोनको पासमा हेडमार्फत उत्कृष्ट गोल गरे ।
यससँगै क्रोएसियाले क्वार्टरफाइनलमा आफ्नो स्थान पक्का गरेको हो। क्रोएसियाले सोमबार राति ब्राजिलसँग सेमिफाइनल प्रवेशका लागि खेल्ने छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच