काठमाडौं । राष्ट्रिय मानव अधिकार आयोगले राष्ट्रपति विद्यादेवी भण्डारीसमक्ष आर्थिक वर्ष २०७८÷०७९ को प्रतिवेदन पेस गरेको छ । राष्ट्रपति कार्यालयमा आयोजित समारोहमा आयोगका अध्यक्ष तपबहादुर मगरले राष्ट्रपतिसमक्ष प्रतिवेदन बुझाउनुभएको राष्ट्रपति कार्यालयका प्रवक्ता सागर आचार्यले जानकारी दिनुभयो । नेपालको संविधानको धारा २९४ बमोजिम आयोगले आफूले गरेको काम कारबाहीको वार्षिक प्रतिवेदन राष्ट्रपतिसमक्ष पेस गर्नुपर्ने कानुनी व्यवस्थाअनुसार आयोगले वार्षिक प्रतिवेदन बुझाएको हो ।
प्रतिवेदन बुझ्ने क्रममा राष्ट्रपति भण्डारीले मानव अधिकार र लोकतन्त्रको अवलम्बनमा नेपाल उच्च स्थानमा रहेको बताउनुभयो । प्रतिवेदनको अवधिमा आयोगमा मानव अधिकारको उल्लंघनबारे १०१ उजुरी दर्ता भएको छ । पुराना र नयाँ गरी ५०२ उजुरीमाथि अनुसन्धान र मानव अधिकारका विषयमा २२१ पटक अनुगमन भएको छ ।
आयोगको सिफारिसको कार्यान्वयन अवस्था हाल १५.३ प्रतिशत पूर्ण कार्यान्वयन, ३९.२ आंशिक र ४५.५ प्रतिशत सिफारिस कार्यान्वयन हुन बाँकी रहेको प्रतिवेदनमा उल्लेख छ । आयोगबाट अनुसन्धान सम्पन्न भएका जम्मा ४१४ उजुरीमाथि निर्णय भएको र जसमा ६ वटा नीतिगत सिफारिस छन् ।
प्रतिवेदनमा आयोगमा परेका उजुरीहरू, उजुरीउपर भएका छानबिन तथा अनुसन्धान विवरण, नेपाल सरकारलाई गरिएका सिफारिसलगायत मानव अधिकार संरक्षण र संवद्र्धनमा आयोगबाट वर्षभरि भएका कार्यहरूको उल्लेख गरिएको छ ।
प्रतिवेदन बुझाउने क्रममा आयोगका सदस्यहरू, कामु सचिव, सहसचिवलगायत आयोगका कर्मचारीहरूको उपस्थिति थियो ।
Like
Love
Happy
Surprised
Sad
Excited
Angry
च्याम्पियन्स लिग : एमबाप्पे र
तेक्वान्दोको निर्णायक मण्डलमा छनोट हुनुभएका
एभरेष्ट भ्यु ट्रेल रेसलाई अन्तर्राष्ट्रिय
माफ बास्केटबलमा ४४ टोली
बालोन डी’ओर मनोनयन सार्वजनिक
डब्लुटिटी युथ कन्टेन्डरमा प्रतिस्पर्धा गर्न