रुपन्देही । लैंगिक हिंसा न्यूनिकरणका लागि सबैपक्ष जिम्मेवार हुनुपर्नेमा जोड दिइएको छ ।
मिडियाले हिंसा न्यूनिकरण हुने गरि सूचना सम्प्रेषण गर्नुपर्ने र सरकारी निकाय जवाफदेही बन्दै नीति र कार्यक्रम ल्याउनुपर्नेमा सरोकारवालाहरुले जोड दिएका हुन ।
लैंगिक हिंसा विरुद्धको १६ दिने अभियान अन्र्तगत फ्रि मिडिया नेटवर्कको आयोजना तथा नेपाल पत्रकार महासंघ रुपन्देहीको समन्वयमा विहिबार बुटवलमा भएको लैङ्गिक हिंसा न्यूनीकरणमा मिडिया र सरोकारवालाको भुमिका विषयक अन्तरक्रिया कार्यक्रममा बोल्ने वक्ताहरुले सबै पक्ष संवेदनशिल हुँदा मात्रै सभ्य समाज बन्ने बताए ।
रुपन्देहीको तिलोत्तमा नगरपालिका प्रमुख रामकृष्ण खाँणले लैङ्िगक बिभेदलाई न्यूनीकरण गर्न स्थानीय तह, पत्रकार र नागरिक समाज सँगसँगै मिलेर काम गर्नुपर्ने बताउनु भयो । उहाँले हिंसा जुनसुकै क्षेत्र, जाती र लिङ्गका ब्यक्तिहरुमाथी हुने गरेका घटना आएको बताउदै यसको न्यूनीकरणका लागि सबै आत्मनिर्भर बन्न आवश्यक रहेकोमा जोड दिनुभयो ।
उहाँले सबैलाई शिक्षामा ध्यान दिनुपर्ने बताउँदै तिलोत्तमाका सरकारी बिद्यालयका विद्यार्थीहरुलाई दिवा खाजामा १० रुपैयाँ थपेर २५ प्रतिब्यक्ति बनाएको बताउनु भयो ।
कार्यक्रममा बुटवल उपमहानगरपालिका उपप्रमुख सावित्रा अर्यालले समाज रुपान्तरणमा मिडियाको भूमिका प्रमुख हुने बताउँदै लैंगिक हिंसा न्यूनीकरणमा पनि अह्म भूमिका हुने बताउनु भयो । उहाँले महिलाहरुको समाचारलाई मिडियाले प्राथमिकतामा नराखेको बताउँदै त्यसो नगर्न आग्रह गर्नु भयो । हिंसा कुनैपनि पक्षमा हुन नहुने बताउदै यसका लागि सबैले आ आफ्नो क्षेत्रमा रहेर काम गर्न आग्रह गर्नु भयो। बुटवल उपमहानगरले लैंगिक विभेदलाई चिर्ने गरि कार्यक्रम निर्माण गरेको बताउनु भयो । उहाँले समाजलाइ शिक्षित बनाउन आवश्यक रहेकोमा जोड दिदै महिलाहरु स्वरोजगार बन्न र बनाउन आग्रह गरे।उनले छोरीलाई सक्दो शिक्षा दिनुपर्ने बताउनु भयो ।
रुपन्देहीका सहायक प्रमुख जिल्ला अधिकारी ध्रुव कुवँरले शुरूवातमा हिंसा भन्दासाथ महिला हिंसाको कुरा आउने गरेको भएपनी पछिल्लो समय जुनसुकै लिङ्गमा हुने हिंसाका रुपमा परिभाषित भएको बताउनु भयो।
उहाँले जिल्ला प्रशासन कार्यालयले सेफ हाउस निर्माण लगायतका कार्यहरु गरिरहेको बताउदै लैङ्िगक हिंसा अन्त्यको लागि सबैको पहल गर्न आवश्यक रहेकोमा जोड दिनुभयो ।
जिल्ला प्रहरी कार्यालय रुपन्देही प्रमुख रबिन्द्र रेग्मीले हिंसा विरुद्धका घटनामा प्रहरीको भुमिका सकारात्मक रहेको बताउनु भयो। उहाँले मदिरा सेवनले हिंसाका घटना बढेको बताउँदै मदिराको प्रयोगमा नियन्त्रणको लागि स्थानीय तहले कानुन बनाएमा ब्यवस्थापन गर्न सहज हुने बताउनु भयो।
कार्यक्रममा नेपाल पत्रकार महासंघ रुपन्देहीका पूर्वअध्यक्ष विनोद पहाडीले महिला हिंसा विरुद्धको १६ दिने अभियानलाई साँच्चिकै व्यवहारिक बनाउन अघिल्लो बर्षसँग मापन गर्नुपर्ने बताउनु भयो ।
कार्यक्रममा पत्रकार महासंघ रुपन्देहीका सल्लाहकार ईन्दिरा अर्यालले लैंगिक हिंसा न्यूनिकरणमा मिडिया र सरोकारवालाको भूमिका बिषयमा प्रस्तुति राख्दै स्वरुप बदलिएर लैंगिक हिंसा समाजमा रहेकाले यसको अन्त्यका लागि मिडियासँगै स्थानीय सरकार, प्रहरी प्रशासन, उद्योगी व्यवसायी समेत जिम्मेवार हुनुपर्ने बताउनु भयो ।
कार्यक्रममा पत्रकार महासंघ रुपन्देही अध्यक्ष एव फ्री मिडिया नेटवर्क रुपन्देही संयोजक रामराज पोख्रेलले हिंसा रहित समाज निर्माणका लागि समाजलाई जागरुक बनाउन आवश्यक रहेको बताउनु भयो ।
मानव अधिकार एलायन्सका केन्द्रीय उपाध्यक्ष सुमित्रा शर्मा, नेपाल प्रेस युनियन रुपन्देही सभापति रेखा भुसाल,सञ्चारीका समूह रुपन्देही अध्यक्ष निरा गौतम, मानवअधिकारकर्मी रिमा बिसि, दलित महिला संघ रुपन्देही अध्यक्ष मनु खड्का, महासंघ रुपन्देहीका उपाध्यक्ष अमृता अनमोल, सहसचिव माया केसी लगायतले बोल्नु भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच