बारा । बाराका उखु किसानहरू आन्दोलनमा उत्रिएका छन् । उन्नत जातको भनेर रिलायन्स सुगर मिल बाराले कमशल उखुको बिउ दिएको भन्दै बाराका उखु किसान आन्दोलनमा उत्रिएका हुन् ।
कमसल बिउ भएकै कारण समय अगावै उखु सुकेपछि किसानहरू चिनी उद्योगको विरुद्ध आन्दोलनमा उत्रिएको किसानहरूको भनाइ छ । मिलले कमशल बिउ उपलब्ध गराएकाले उखुमा रोग लागेको किसानहरुको आरोप छ ।
आइतबार बाराका उखु किसानहरूले सडकमा उखु जलाएका छन् । यस्तै उखु समय अघिनै सुक्न थालेपछि किसानहरूले शनिबार मानवत मटिअर्वा सडकखण्डको श्रीपुरमा एक घण्टा सडक अवरुद्ध गरेका थिए ।
रिलायन्स सुगर मिल र उखु उत्पादक संघले मिलेर गुणस्तरहीन बिउ दिएको कारण आफूहरु समस्यामा परेको उनीहरुको आरोप छ । उद्योगका प्रतिनिधि र किसान संघका प्रतिनिधिहरुसँग छलफल गर्न खोज्दा उनीहरू छलफलमा नआएकाले बाध्य भएर सडकमा सडकमा उत्रनु परेको प्रदर्शनमा सहभागी उखु किसान शशीकान्त यादवले बताउनुभयो ।
धेरै उत्पादन दिने उन्नत जातको भनेर ४–५ वर्षअघिदेखि नै सिओजिरो–२३८ जातको उखु रोप्न मिल र किसान संघले दवाव दिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच