काठमाडौं । नेशनल लाइफ इन्स्योरेन्स कम्पनीले नेपालगञ्ज सुर्खेत रोडमा करिब ३५ करोडको लगानीमा साततले अत्याधुनिक सेवा सुविधासहितको आफ्नै व्यापारिक भवन निर्माण गर्ने भएको छ । कम्पनीकी अध्यक्ष प्रेमाराज्यलक्ष्मी सिंहले जगपूजा सम्पन्न गर्दै भवन निर्माणको औपचारिक शिलान्यास गर्नुभएको हो ।
सो अवसरमा कम्पनीका अध्यक्ष, सञ्चालक समिति सदस्य, प्रमुख कार्यकारी अधिकृत, कम्पनीका विभिन्न शाखा कार्यालयका कर्मचारीलगायतको उपस्थिति रहेको थियो । कम्पनीका अनुसार करिब साढे चार कठ्ठामा निर्माण हुने भवन अण्डरग्राउण्ड पार्किङसहितको हुनेछ भने भवनमा कम्पनीको कार्यालयका साथै अन्य व्यापारिक कार्यालयसमेत सञ्चालन गर्न सकिनेछ ।
५२ अर्बभन्दा बढी जीवन बीमाकोष रहेको देशकै ठूलो बीमा कम्पनीमध्येको एक नेशनल लाइफले नेपाल बीमा प्राधिकरणबाट स्वीकृत लिई भवन निर्माण सुरु गरेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच