छपरा । विषाक्त मदिरापानबाट पूर्वी भारतको विहार राज्यमा कम्तीमा ३७ जनाको मृत्यु भएको छ । त्यस क्षेत्रमा रक्सी प्रतिबन्धित छ । विभिन्न सञ्चारमाध्यमले मदिरापानबाट मृत्यु हुनेको संख्या ६० भन्दा बढी रहेको जनाएका छन् । भारतका थुप्रै भागमा मदिरा बेच्न र उपभोग गर्न प्रतिबन्ध लगाइएको छ ।
पछिल्लो दुःखद् घटनाका पीडित परिवारका अनुसार सोमबार विवाह र अरू कार्यक्रममा विभिन्न गाउँका मानिसले स्थानीय रूपमा बनेको ‘महुआ’ वा ‘देशी दारु’ नामले चिनिने टिप्पल पिएका थिए । त्यसपछि धेरैले पेट दुख्ने, दृष्टि गुम्ने र बान्ता हुने गरेको बताएका छन् । बिहीबारसम्म २० भन्दा बढी व्यक्तिको मृत्यु भइसकेको थियो । शनिबार झण्डै एक दर्जन गम्भीर अवस्थामा अस्पतालमा भर्ना भएका छन् ।
‘गत ४८ घण्टामा दुई दर्जनभन्दा बढी मानिसले ज्यान गुमाएका छन्’, प्रहरी अधिकारीले एएफपीलाई बताएका छन् । प्रहरीले पछिल्ला तीन दिनमा अवैध मदिरा उत्पादन तथा बिक्रीवितरणमा संलग्न एक सयभन्दा बढी व्यक्तिलाई पक्राउ गरेको छ । ६ सय लिटर बढी अवैध मदिरा बरामद गरेको छ । स्थानीय अधिकारीहरूले कालोबजारी रोक्न ड्रोन, हेलिकोप्टर र मोटरबोटको प्रयोग गरिरहेका छन् । रासस÷एएफपी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच