बागलुङ । बागलुङको निसीखोला गाउँपालिका-३ की २५ वर्षीया सम्झाना मल्ललाई आत्महत्या गर्न बाध्य बनाएको अभियोगमा जेठाजु थम्मनबहादुर मल्ललाई १ वर्ष कैद सजाय भएको छ ।
मल्ल सजाय फैसला भएकै दिन कैद मुक्त भएका छन् । सम्झना २०७६ असोज २२ गते राती झुण्डिएको अवस्थामा मृत भेटिएकी थिइन् ।सम्झानाका दाजु तुलबहादुर शाहीले बहिनीका जेठाजु थम्मनबहादुर, मेघध्वज र जेठानी मिठुकुमारी मल्लविरुद्ध बहिनीलाई कुटपिट गरि झुण्डाएर हत्या गरिएको भन्दै प्रहरीमा उजुरी दिनु भएको थियो ।
जिल्ला न्यायाधीश दिवाकर भट्टको ०७९ पुस १९ गतेको अन्तिम आदेशले आंशिक अभियोग दावी पुग्ने भन्दै थम्मनलाई कैदसँगै २५ हजार जरिवाना फैसला गर्यो । मेघध्वज र मिठुलाई भने अदालतले सफाई दियो ।
प्रहरीले आरोपित तीनै जनालाई २०७८ पुस १५ गते पक्राउ गरी ०७८ माघ १० गते सरकारी वकिलको कार्यालय मार्फत जिल्ला अदालत बागलुङमा कर्तव्य ज्यान कसुर शिर्षकमा मुद्दा दर्ता गरेको थियो ।
अदालतको २०७८ माघ १५ गतेको आदेशले थम्मन र मेघध्वज पुर्पक्षको लागि थुनामा रहेका थिए भने मिठु ३ लाख ५० हजार धरौटिमा छुटेकी थिइन् ।
अदालतले थम्मनलाई १ वर्ष कैद सजाय फैसला गरे पनि पुर्पक्ष र अनुसन्धानको क्रममा बसेको हिरासतको समय जोड्दा सजाय भुक्तान भइसकेको छ । उनि सजाय निर्धारण भएकै दिन कैद मुक्त भएको जिल्ला अदालत बागलुङका इजालाश अधिकृत गंगाधर सापकोटाले बताउनुभयो ।
अदालतको अन्तिम आदेशमा मृतक सम्झनालाई कुटपिट गरि झुण्डाएर हत्या गरेको अभियोगमा थम्मन, मेघध्वज र मिठुले सफाई पाए पनि थम्मनबहादुरले सम्झनालाई झुण्डिएर मर्न बाध्य बनायएको अभियोग ठहर भएको हो ।
झुण्डिएर मर्न बाध्य बनाएको कसुरमा थम्मनबहादुर मल्ललाई आत्महत्या दुरुत्साहन अभियोग अनुसार कैद सजाय फैसला भएको जिल्ला अदालत बागलुङका श्रेष्तेदार सुर्यप्रसाद भण्डारीले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच