काठमाण्डौं । जलवायु परिवर्तनसम्बन्धी संयुक्त राष्ट्रसङ्घीय संरचना महासन्धिअन्तर्गतको अनुकूलन कोषको बोर्ड सदस्यमा वन तथा वातावरण मन्त्रालयका उपसचिव नरेश शर्मा चयन हुनुभएको छ ।
मन्त्रालयको सिफारिसमा उहाँ अतिकम विकसित राष्ट्रको समूह ९एलडिसिज ग्रुप०का तर्फबाट अनुकूलन कोषको बोर्ड सदस्यमा छनोट हुनुभएको मन्त्रालयले जनाएको छ । कोषमा अन्य विभिन्न समूहका गरी करिब २० पदाधिकारी रहन्छन् । उपसचिव शर्मा दुई वर्ष (सन् २०२३ र २०२४)का लागि सो पदमा चयन हुनुभएको हो ।
उक्त पदमा विभिन्न मुलुकबाट विभिन्न व्यक्तिले आवेदन दिएका थिए । कोषको बोर्ड सदस्यमा उहाँ एलडिसिज ग्रुपका तर्फबाट चयन भएपनि नेपाललाई उक्त कोषको नीति निर्माणमा पहुँच र सहयोग प्राप्तिमा योगदान पुग्ने विश्वास गरिएको छ ।
नेपाल पक्ष राष्ट्र भएको जलवायु परिवर्तनसम्बन्धी महासन्धिको सदस्यका रुपमा काम गर्दै आएको छ । यस महासन्धिअन्तर्गत विभिन्न निकाय छन् । त्यसमध्ये अनुकूलन कोष महत्वपूर्ण एकाइ हो । कोषले जलवायु परिवर्तनका असरबाट प्रभावित गरिब र सङ्कटासन्न अवस्थामा रहेका जनतालाई अनुकूलन कार्यमा सहयोग गर्ने गर्छ । रासस
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच