सिन्धुली । सिन्धुलीमा आधुनिक बसपार्क निर्माण भएको छ । कमलामाई नगरपालिका-९ भिमानमा सुरक्षित र सुविधायुक्त बसपार्क निर्माण भएको हो । निर्माणाधीन बसपार्कको काम सम्पन्न भएर सञ्चालनमा आउने क्रममा रहेकोे शहरी विकास तथा भवन डिभिजन कार्यालय सिन्धुलीका प्रमुख दुर्गाप्रसाद घिमिरेले जानकारी दिनुभयो ।
‘बसपार्क निर्माणको काम अन्तिम चरणमा पुगेको छ । सम्पूर्ण निर्माण कार्य सम्पन्न गरेर फागुनसम्ममा कमलामाई नगरपालिकालाई हस्तान्तरण गर्ने तयारी गरिहेका छौँ,’ उहाँले भन्नुभयो ।
बागमती प्रदेशको सहयोगमा आर्थिक वर्ष २०७७/०७८ मा ठेक्का प्रक्रियामार्फत् बसपार्कको निर्माण कार्य अगाडि बढाइएको थियो । बसर्पाकभित्र बस टर्मिनल, बस रोकेर राख्ने हृयांगर, यात्रु प्रतीक्षालय, टिकट काउन्टरसहितको तीन तलाको कार्यालय भवन, विश्वकर्मा बाबाको मन्दिर, सवारीसाधन मर्मत गर्ने ठाउँ र शौचालय निर्माण भइसकेको छ । १५० वटा सवारीसाधन अटाउन सक्ने क्षमताको बसपार्क निर्माण भएको उहाँले बताउनुभयो ।
आधुनिक बसपार्क निर्माणको काम विकास एण्ड ब्रदर्स, जिएससी आत्रेय र श्रीकृष्ण जेभीले गरेका हुन् । बिपी राजमार्ग र निर्माणाधीन मदन भण्डारी राजमार्गको संगम भिमानमा बसपार्कको आवश्यकता थियो । यसको परिपूर्ति गर्न प्रदेश सरकारले बजेटको व्यवस्था गरिदिएको हो ।
कार्यालय प्रमुख घिमिरेका अनुसार आर्थिक वर्ष २०७७/०७८ मा प्रदेश सरकारले एक करोड बजेट उपलब्ध गराएकोमा ९८ लाख ९६ हजार २७ रुपैयाँको निर्माण कार्य भएको थियो । आव ०७८/०७९ मा तीन करोड ३० लाख रकम आएकोमा तीन करोड १७ लाख ७२ हजार ४६८ रुपैयाँको निर्माण कार्य गरिएको थियो । आव ०७९/०८० मा ३० लाख बजेटको काम भएसँगै निर्माणको सम्पूर्ण कार्य सकिएर बसपार्क सञ्चालनमा आउनेछ । उक्त रकमले बसपार्कमा गार्डेन बनाइने, इनार खनेर पानीको व्यवस्था गरिने र २४सै घण्टा बल्न सक्ने क्षमताको सौर्य बत्ती जडान गरिने लगायतका छुटपुट निर्माण कार्य सक्ने योजना रहेको उहाँको भनाइ छ ।
यो बसपार्क बिपी र मदन भण्डारी राजमार्गलाई लक्षित गरी बनाइएको हो । कार्यालय प्रमुख घिमिरेले भन्नुभयो, ‘यहाँ यी ठूला दुई राजमार्ग तथा स्थानीय सडकमा गुड्ने गाडी पार्किङ गर्न सकिन्छ, यसले कमलामाईको आर्थिक विकासमा पनि टेवा पुग्दछ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच