-श्याम घिमिरे
अर्घाखाँची । अर्घाखाँची, गुल्मी र कपिलवस्तु गरी तीन जिल्लाका तीन महिलाको हत्या गर्ने ‘सिरियल किलर’ भारतीय नागरिक अर्घाखाँचीमा पक्राउ परेका छन् ।
शृङखलाबद्ध रूपमा वृद्ध तथा एकल महिलाको हत्या गरी गरगहना र नगद लुट्ने काम गर्दै आएका भारतको गुडगाँउ हरियाणाका २३ वर्षीय सुशान्त सिंह र उनकी श्रीमती शिवा परियारलाई अर्घाखाँची प्रहरीले पक्राउ गरेको हो ।
यी दम्पतीले यही पुस १७ गते अर्घाखाँचीको शितगंगा नगरपालिका-१० सिद्धारा बहखोरकी ६० वर्षीय राधा थापा, गएको कात्तिकमा गुल्मीको इस्मा गाउँपालिका-५ की ७५ वर्षीय जीवकला थापा र गएकै असोजमा कपिलवस्तुको विजयनगर गाउँपालिका-४ की ७० वर्षीय योगमाया गैरेको हत्या गरेको आरोपमा पक्राउ गरेको जिल्ला प्रहरी कार्यालय अर्घाखाँचीका प्रमुख, प्रहरी नायव निरीक्षक मुकुन्दप्रसाद रिजालले जानकारी दिनुभयो । श्रीमतीसँग मिलेर हत्या गरेको बताएसँगै उनकी श्रीमतीलाई समेत प्रहरीले पक्राउ गरेको छ ।
पक्राउ परेका दम्पतीलाई प्रहरीले आईतवार जिल्ला प्रहरी परिसरमा पत्रकार सम्मेलन गरी सार्वजनिक गरेको हो । पक्राउ परेका उनीहरुलाई अर्घाखाँची जिल्ला अदातलबाट म्याद थप लिई, थप अनुसन्धान भइरहेको प्रहरीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच