पाल्पा । पाल्पाको तानसेनमा बसको ठक्करबाट एक जना महिलाको मृत्यु भएको छ ।
तानसेन नगरपालिका–१२ लुहुङ्गस्थित अर्गली–तानसेन भित्री सडकखण्डमा बसको ठक्करबाट तानसेन बौगापोखराथोककी ७७ वर्षीया पुतली विश्वकर्माको मृत्यु भएको हो ।
विहीबार दिउँसो गुल्मीबाट बुटवलतर्फ जाँदै गरेको लुु १ ख ८३६१ नम्वरको बसले ठक्कर दिदा घाइते भएकी विश्वकर्माको लुम्बिनी मेडिकल कलेज प्रभासमा पठाएकोमा डाक्टरले मृत घोषणा गरेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिनुभयो ।
प्रहरीका अनुसार ति महिला सोही बसमा आएको र बसबाट झरी घर जाने क्रममा बसले ठक्कर दिएर घाइते बनाएको थियो ।
घाइते उनलाई डाक्टरले चेकजाँच गर्दा मृत्यु भइसकेको प्रहरीले जनाएको छ । घटनाको जानकारी पाउन साथ जिल्लाबाट गएको प्रहरी टोलीले बस र बस चालक तानसेन नगरपालिका –१२ बौगापोखराथोकका ३० वर्षीय खिमबहादुर विकलाई प्रहरीले नियन्त्रणमा लिएको छ ।
उक्त घटनाको विषयमा थप अनुसन्धान भइरहेको जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच