काठमाडौं । डिफेन्डर छिरिङ गुरुङले मच्छिन्द्र फुटबल क्लबसँगको सम्झौता नवीकरण गर्नुभएको छ । मच्छिन्द्रले शुक्रबार सामाजिक सञ्जालमार्फत् छिरिङसँगको सम्झौता नवीकरण गरिएको जनाएको छ । मच्छिन्द्रले नयाँ सिजनको शहीद स्मारक ‘ए’ डिभिजन लिगका लागि छिरिङसँगको सम्झौता थप गरेको हो ।
मच्छिन्द्र पछिल्लो संस्करणको ‘ए’ डिभिजनको च्याम्पियन टोली हो । मच्छिन्द्रले लगातार दोस्रोपटक शीर्ष डिभिजनको लिग जित्दा छिरिङ टोलीमा हुनुहुन्थ्यो ।
यस्तै, डिफेन्डर प्रवेश कुँवर दनुवारले मनाङ मस्र्याङ्दी क्लबसँगको सम्झौता नवीकरण गर्नुभएको छ । मनाङले शनिबार डिफेन्डर प्रवेशले सम्झौता नवीकरण गरेको जनाएको छ । मनाङले नयाँ सिजनको शहीद स्मारक ‘ए’ डिभिजन लिगका लागि प्रवेशसँग सम्झौता थप गरेको हो । नयाँ सिजनको ‘ए’ डिभिजन लिग फागुन १९ गतेबाट सुरु हुँदैछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच