काठमाडौं । यती एयरलाइन्सको विमान दुर्घटनामा परेर ज्यान गुमाएकामध्ये ४८ जनाको शव मंगलबार काठमाडौं ल्याइएको छ । अरू शव पहिचान गरी पोखराबाटै आफन्तलाई बुझाइँदैछ ।
काठमाडौं ल्याइएका शव प्रकृया पुर्याएर आज बुझाइने बताइएको छ ।
काठमाडौंबाट पोखराका लागि उडेको विमान धावनमार्गनजिकै सेती नदीको खोँचमा खसेको थियो।
माघ १ गते पोखरामा भएको विमान दुर्घटनामा ज्यान गुमाएकामध्ये हिजो बेलुकासम्म ७१ जनाको शव फेला परेको छ । हिजो थप एक जनाको शव भेटिएको थियो ।
दुर्घटनाको पहिलो दिन ६३ र दोस्रो दिन सोमबार सात जना र मंगलबार एक जनाको गरी ७१ जनाको शव फेला परेको छ । अब एक जनाको मात्र अवस्था थाहा हुन सकेको छैन ।
बेपत्ता एक जनाको खोजी कार्य निरन्तर रहेको नेपाली सेनाले जनाएको छ ।
६८ जना यात्रु र ४ जना चालकदलका सदस्यसहित ७२ जना सवार यती एअरलाइन्सको नाइन एन–एएनसी–एटिआर विमान आइतबार पोखरामा दुर्घटना भएको थियो । १५ जना विदेशी यात्रु सवार थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच