काठमाडौं । राष्ट्रिय फुटबल टोलीका फरवार्ड अञ्जन विष्ट भारतीय आई लिग फुटबल खेल्नका लागि त्यसतर्फ प्रस्थान गर्नुभएको छ । अञ्जनले मुम्बई केन्क्रे एफसीबाट आई लिग खेल्नुहुनेछ । उहाँले पहिलोपल्ट विदेशी व्यावसायिक लिग खेल्न लाग्नुभएको हो । यसअघि नेपालका किरण चेम्जोङले पञ्जाब एफसीबाट आई लिग खेलिरहनुभएको छ । यस्तै, विमल घर्तीमगरले मोहन बगान क्लबबाट खेल्नुभएको थियो ।
केन्क्रेले सोमबार आई लिग अंकतालिकाको शीर्ष टोली श्रीनिदी डेकेनसँग प्रतिस्पर्धा गर्नेछ । उक्त खेलमा अञ्जन मैदान उत्रिन सक्ने सम्भावना छ । २५ अंकसहित डेकन शीर्षस्थानमा, २३ अंक जोडेको पञ्जाब दोस्रो स्थानमा र केन्क्रे १६ अंकसहित नवौँ स्थानमा छ । आई लिगमा १२ टोलीको सहभागिता रहेको छ ।
अञ्जनले राष्ट्रिय टोलीबाट ११ गोल गरिसक्नुभएको छ । पुरुष फुटबल टोलीबाट सर्वाधिक गोल गर्ने खेलाडीको सूचीमा उहाँ दोस्रो नम्बरमा हुनुहुन्छ । हरि खड्का र निराजन रायमाझी समान १३ गोलका साथ शीर्षस्थानमा रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच