भोजपुर । भोजपुरमा रेडक्रसका तीन वटा उपशाखा कार्य सम्पादन मुल्यांकनका आधारमा पुरस्कृत भएका छन् । नेपाल रेडक्रस सोसाईटी जिल्ला शाखा भोजपुरको ३९ औँ अधिवेशनका क्रममा तीन उपशाखा पुरस्कृत भएका हुन् ।
२०३० साल मंसिर १९ गते स्थापना भएको शाखाको यो अधिबेशनबाट नयाँ कार्य समिति समेत चयन हुने छ । भोजपुरका ८१ वटै वडा उपशाखा र जुरेस तथा युवा रेडक्रस शाखाहरुको नयाँ समिति चयन भएपछि जिल्ला अधिवेशन गरिएको रेडक्रस भोजपुरका शाखा विकास अधिकृत तेजबहादुर श्रेष्ठले जानकारी दिनुभयो ।
सोक्रममा कार्यसम्पादन मूल्याकंनका आधारमा दलगाउँ शाखा पहिलो, नेपालेडाँडा शाखा दोश्रो र बोया शाखा तेश्रो भएका छन । अधिवेशनको उदघाटन गर्दे भोजपुर नगरपालिकाका मेयर कैलाशकुमार आलेले रेडक्रसले गरेको कामहरु उल्लेखनीय रहेको बताउँदै शाखाले प्राकृतिक विपद् तथा मानवीय उद्धारका काममा सह्रानीय योगदान दिएको बताउनुभयो ।
गत २०७८ भाद्र २१ गते स्थापना भएको रक्त सञ्चार सेवा केन्द्रको सुरुवात नै समग्र जिल्लाको लागि प्रेरणाको उपलब्धि भएको मेयर आलेको भनाई छ । ‘यो शाखाले विभिन्न नयाँ सिर्जनात्मक प्रगतिहरु गरेको छ, शाखाले सबैभन्दा उपलब्धिमूलक काम ब्लड बैंक सञ्चालन गरेर वर्षौदेखि दुर्गमका नागरिकलाई रगत अभावमा अकालमै ज्यान गुमाउनुपर्ने बाध्यात्मक परिस्थितिको हल गरेको छ, यस्ता कार्यमा नगरको सदैव साथ रहनेछ ।’ मेयर आलेले भन्नुभयो ।
२०७२ सालको महाभुकम्पबाट गम्भिर असर पुगेपछि संस्थागतरुपमा कामहरु सोचे अनुरुप अघि बढ्न नसकेको रेडक्रस जिल्ला सभापति तुल बहादुर सुब्बाले बताउनुभयो । तर लामो समयदेखिको प्रयास र समन्वयले अन्ततः ब्लड बैंकको स्थापना गर्न शाखा सफल भएकोमा भने सभापति सुब्बाले खुशी ब्यक्त गर्नुभयो । ‘रगत अभावलाई न्यून गर्ने वर्षौको हाम्रो एउटा सपना पुरा भयो, जिल्ला अस्पतालमा दक्ष डाक्टर नहुँदा ब्लड बैंकको पर्याप्त रगत खपत हुन सकेको छैन, त्यसलाई तत्कालका लागि रगत आपूर्ति आवश्यक भएका जिल्लासंग समन्वय गरेर पठाउने व्यवस्था गरिएको छ ।’ सभापति सुब्बाले भन्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच