काठमाडौं । राष्ट्रिय फुटबल टोलीका फरवार्ड अञ्जन विष्टले भारतको आइलिगमा डेब्यु गरेको खेलमा उहाँको टोली मुम्बई केन्क्रे फुटबल क्लबले हार बेहोरेको छ । इएमएस कर्पोरेसन रंगशालामा गोकुलम केरालाले केन्क्रेलाई एक-शून्यले हराएको हो ।
खेलको २१औँ मिनेटमा साबिक विजेता केरालाका लागि सर्जियो मेन्डीगुत्सियाले निर्णायक गोल गर्नुभएको थियो । उहाँले विकासको राइट विंगबाट आएको क्रसमा हेडरमार्फत् गोल गर्नुभएको थियो ।
अञ्जनले केन्क्रेका लागि सुरुवाती रोजाइमा खेल्दै डेब्यु गर्नुभयो । ६०औँ मिनेटमा पापुइआको चिपमा अञ्जनको डाइभिङ हेडरले पोस्टको दिशा लिन सकेको थिएन ।
केन्क्रे यस हारसँगै लिगको रेलिगेसन क्षेत्रमा कायम रहेको छ । १२ टोली सहभागी लिगमा केन्क्रे १४ खेलमा १३ अंकसाथ ११औँ स्थानमा छ । पुछारको सुदेभा दिल्लीको ११ खेलमा दुई तथा दशौँ स्थानको नेरोका एफसीले १४ अंक जोडेको छ ।
अञ्जनको टोलीले अब अर्को खेलमा नेपाली राष्ट्रिय टोलीका गोलरक्षक किरण चेम्जोङको सामना गर्नेछ । खेल बुधबार साँझ ७ बजे हुनेछ । किरणको टोली राउण्डग्लास पञ्जाब फुटबल क्लब १३ खेलमा २९ अंकका साथ शीर्षस्थानमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच