काठमाडौं । नेपाली राष्ट्रिय टोलीका सदस्यहरू विदेशिने सूचीमा मिडफिल्डर विशाल राई पनि थपिनुभएको छ । सुरक्षित भविष्यको खोजीमा राई अष्ट्रेलियातर्फ जानुभएको हो । शहीद स्मारक लिग नजिकिँदै गए पनि झापाको अर्जुनधारा नगरपालिकाका विशाल मछिन्द्र क्लब छाडेर शुक्रबार अष्ट्रेलियातर्फ लाग्नुभयो ।
उहाँलाई त्रिभुवन अन्तर्राष्ट्रिय विमानस्थलमा मछिन्द्र क्लबका उपाध्यक्ष अनिल श्रेष्ठ पूर्वसहकर्मी रजिन धिमाल, पुजन उपकोटी, विशाल श्रेष्ठ, छिरिङ गुरुङ, देवेन्द्र तामाङ, सुजल श्रेष्ठलगायतले बिदाइ गर्नुभयो ।
२०७६ र २०७८ को लिग विजेता मछिन्द्र क्लबका महत्वपूर्ण सदस्य विशालले २०७५ को लिग मनाङ मस्र्याङ्दीबाट जित्नुभएको थियो । उहाँले व्यावसायिक करियर मछिन्द्रबाट सन् २००८ मा सुरु गर्नुभएको थियो । सरस्वती र मनाङबाट समेत केही वर्ष विशालले खेल्नु भएको थियो ।
विशालले नेपालको विभिन्न उमेर समूहबाट खेल्दै सन् २०१४ बाट सिनियर राष्ट्रिय टोलीमा स्थान बनाउनुभएको थियो । पछिल्लो समय अखिल नेपाल फुटबल संघ (एन्फा) र ‘ए’ डिभिजन क्लबबीचको विवादका कारण शीर्ष डिभिजनको लिग समयमा नहुँदा थुप्रै खेलाडी विदेशिएका छन् ।
युवा जनशक्ति निर्यात गर्ने देश
बिक्रीमा विद्यावारिधि ?
योगचौतारी नेपाल स्वस्थ समाज निर्माणमा
गल्तीलाई आत्मसात गर्ने कि अझै
प्राकृतिक चिकित्सालय र योग चौतारीबीच
देशले प्रधानमन्त्री भएको हेर्न चाहेको