काठमाडौं । नेपाल मुद्रा विप्रेषक संघले नेपालमा नै अन्तर्राष्ट्रिय रेमिट्यान्स सम्मेलन गर्ने भएको छ । संघको प्रतिनिधिमण्डलले आइतबार श्रम, रोजगार तथा सामाजिक सुरक्षामन्त्री डोलप्रसाद अर्यालसँग भेट गरी सम्मेलनबारे जानकारी गराएको छ ।
संघका अध्यक्ष चन्द्र टण्डनले मुद्रा विप्रेषक संघले निकट भविष्यमै नेपालमा अन्तर्राष्ट्रिय रेमिट्यान्स सम्मेलनको आयोजना गर्न लागिएको र सम्मेलन सम्बन्धित मन्त्रालयको समेत दायित्व भएको भन्दै सहयोगका लागि आग्रह गर्नुभयो ।
सो अवसरमा संघले रेमिट्यान्स व्यवसायका साथै विदेशमा रहेका श्रमिकको हक अधिकार सुरक्षित गर्न मन्त्रालयले चाल्नुपर्ने कदमका विषयमा समेत छलफल भएको जनाएको छ ।
वैधानिक माध्यमबाट रेमिट्यान्स भित्र्याउन सरकारतर्फबाट नगद इन्सेन्टिभ दिन तथा अन्य कुनै मोडल अपनाउन पनि संघले आग्रह गरेको छ । मन्त्री अर्यालले विभिन्न देशमा अलपत्र परेका नेपालीहरू नेपाल ल्याउन नसकेका बेवारिसे शवहरू ब्लड मनी तिर्न नसकेर विभिन्न जेलमा थुनिएका नेपालीको तथ्यांक द्रुत गतिमा संकलन गरी आवश्यक पहल भइरहेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच