ढाका । बंगलादेशको सत्तारुढ दल अवामी लिगले आइतबार पूर्वन्यायाधीश तथा इस्लामी बैंक बंगलादेश लिमिटेडका उपाध्यक्ष मोहम्मद शाहबुद्दिनलाई देशको नयाँ राष्ट्रपतिको रूपमा मनोनित गरेको छ । उहाँ निर्वाचित भएमा मोहम्मद शाहबुद्दिन बंगलादेशको २२औं राष्ट्रपति हुनुहुनेछ । हालका राष्ट्रपति अब्दुल हमिदको कार्यकाल २३ अप्रिलमा सकिँदैछ ।
आइतबार अवामी लिगका महासचिव ओबैदुल कादरको नेतृत्वमा एउटा प्रतिनिधिमण्डल मुख्य निर्वाचन आयुक्तको कार्यालय पुगेर उम्मेदवारी दर्ता गराएको थियो । राष्ट्रपति पदका लागि फेब्रुवरी १४ सम्म उम्मेदवारी फिर्ता लिन सकिनेछ ।
मनोनयनपछि, फेब्रुवरी १९ मा संसद्मा मतदान हुनेछ । संसदमा अहिले अवामी लिगको पूर्ण बहुमत भएकाले पार्टीको उम्मेदवार आगामी राष्ट्रपति बन्ने प्रबल सम्भावना छ । निर्वाचित भएपछि उहाँले आगामी पाँच वर्षका लागि राष्ट्रपतिको कार्यभार सम्हाल्नुहुने छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच