धादिङ । गएराती धादिङमा भएको दुई छुट्टाछुट्टै दुर्घटनामा एक जनाको मृत्यु भएको छ भने एकजना घाइते भएका छन् ।
गएराती धुनिवेसी नगरपालिका-८ खानीखोलामा टिप्परको ठक्करबाट एक पैदलयात्रीको मृत्यु भएको हो । मृत्यु हुनेमा धुनिवेशी-६ गैरीगाँउका ६५ वर्षीय रामकृष्ण श्रेष्ठको मृत्यु भएको जिल्ला प्रहरी कार्यालय धादिङका प्रहरी उपरीक्षक गौतम मिश्रले जानकारी दिनुभयो ।
काठमाडौबाट गजुरीतर्फ आउदै गरेको बा २ क ५६३३ नम्बरको टिप्परले ठक्कर दिएको थियो । श्रेष्ठको काठमाडौस्थित ट्रमा सेन्टरमा उपचारको क्रममा आज बिहान मृत्यु भएको मिश्रले बताउनुभयो । ठक्कर दिने टिप्पर र चालकलाई इलाका प्रहरी कार्यालय खानीखोलाले नियन्त्रणमा लिएको छ ।
त्यसैगरी गएराती नै खानीखोलामा बस र कार ठोक्किदा धुनिवेसी नगरपालिका वडा नम्बर ८ का वडा अध्यक्ष रामकृष्ण रेग्मी घाईते हुनुभएको छ ।
गौतमकाअनुसार काठमाण्डौबाट गजुरीतर्फ आउँदै गरेको ना ५ ख १५६० नम्बरको बस र काठमाडौतर्फ जादै गरेको बा २० च ६६७० नम्बरको कार एकापसमा ठोक्किदा कारमा सवार वडा अध्यक्ष रेग्मी घाईते हुनुभएको हो ।
उहाँको काठमाडौस्थित नर्भिक अस्पतालमा उपचार भइरहेको प्रहरीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच