गुल्मी । गुल्मीको मदाने गाउँपालिकाद्वारा सञ्चालित अध्यक्ष कप भलिबलको उपाधि पुरुषतर्फ वडा नं.– १, अग्लुङ्गले जितेको छ । फागुन ५ गते शुक्रबारदेखि आईतबारसम्म चलेको प्रतियोगितामा वडा नं.– ५, मलागिरीलाई हराउँदै अग्लुङ्गले पुरुषतर्फको उपाधि जितेको हो ।
अग्लुङ्गले मलागिरीलाई ३–१ सेटमा पराजित गर्दै सो उपाधि जित्न सफल भएको छ । अध्यक्ष कपको उपाधि प्राप्त अग्लुङ्गले नगद ४० हजार रुपियाँ, मेडल र प्रमाणपत्र समेत प्राप्त गरेको हो । दोस्रो भएको मलागिरीले ३० हजार रुपियाँ नगद, मेडल र प्रमाणपत्र प्राप्त गरेको छ । वडा नं. ७ भने तेस्रो भएको छ । जसले २० हजार रुपियाँ नगद सहित मेडल र प्रमाणपत्र प्राप्त गरेको छ ।
महिलातर्फ वडा नं ६, पुर्कोटदहले वडा नं–४ म्यालपोखरीलाई ३–० को सोझो सेटमा पराजित गर्दै उपाधि प्राप्त गरेको छ । उपाधि प्राप्त गर्दै पुर्कोटदहले २० हजार रुपियाँ नगद, मेडल र प्रमाणपत्र प्राप्त गरेको छ । दोस्रो हुने म्यालपोखरीले १५ हजार रुपियाँ नगद, मेडल र प्रमाणपत्र प्राप्त गरेको छ । तेस्रो हुने वडा नं।–२, बाझकटेरीले १० हजार रुपियाँ नगद, मेडल र प्रमाणपत्र प्राप्त गरेको गाउँपालिकाले जनाएको छ ।
प्रतियोगितामा मलागिरीका चिरन खड्का र पुर्कोटदहका बिपना श्रेष्ठलाई उत्कृष्ट खेलाडीका रुपमा सम्मान गरिएको छ । ७ वटै वडाका पुरुष र महिला गरि १४ समुहको सहभागीता रहेको थियो । सहभागी सबै समुहलाई नगद ५/५ हजार रुपियाँ प्रोत्साहन स्वरुप प्रदान गरिएको गाउँपालिकाले जनाएको छ । त्यस्तै, गाउँपालिकाका कर्मचारी र जनप्रतिनिधिहरु बीच भएको मैत्रीपूर्ण भलिबल प्रतियोगितामा जनप्रतिनिधिको टिमले जित हाँसिल गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच