काठमाडौं । आइसिसी यू-१९ पुरुष विश्वकपको एसिया छनोट प्रतियोगितामा नेपालले लगातार तेस्रो जित हात पारेको छ । सोमबार नेपालले हङकङलाई नौ विकेटले पराजित गरेको हो । युएईस्थित मलेका क्रिकेट मैदानमा भएको खेलमा हङकङले दिएको १२१ रनको लक्ष्य नेपालले २२ ओभरमा एक विकेट गुमाएर पूरा गरेको थियो ।
नेपालको जितमा आकाश त्रिपाठीले ७१ बलमा पाँच चौका र तीन छक्कासहित अविजित ५८ रनको पारी खेल्नुभयो । यो प्रतियोगितामा उहाँको लगातार दोस्रो अर्धशतक हो । यस्तै, उत्तम थापाले ५० बलमा चार चौकाको सहयोगमा अविजित ३९ रन तथा अर्जुन कुमालले १६ रन बनाउनुभयो ।
त्यसअघि पहिले ब्याटिङ गरेको हङकङले ४६ ओभर तीन बलमा अलआउट हुँदै १२० रन बनाएको थियो । हङकङका लागि पर्थ भागवत ३६ तथा मोहम्मद जाहिरले २९ रन बनाउनुभयो । नेपालका लागि हेमन्त धामीले तीन तथा आकाश चन्द र सुवास भण्डारीले समान दुई-दुई विकेट लिनुभयो ।
प्रतियोगितामा नेपालसहित सिंगापुर, कुबेत, हङकङ, मलेसिया र आयोजक युएईको सहभागिता छ । तेस्रो खेल (२८ तारिख मंगलबार) मा मलेसियाको सामना गर्ने नेपालले २ मार्चमा युएईसँग खेल्नेछ । राउण्ड रोबिनका आधारमा हुने प्रतियोगिताको शीर्ष टोली २०२४ मा श्रीलंकामा हुने यू-१९ विश्वकपका लागि छनोट हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच