काठमाडौं । नेकपा एमालेका अध्यक्ष केपी शर्मा ओलीले राष्ट्रपति र उपराष्ट्रपतिको निर्वाचनमा साँठगाँठे प्रवृत्ति हावी भएको बताउनु भएको छ ।
शुक्रबार उपराष्ट्रपति निर्वाचनमा मतदान गरेपछि सञ्चारकर्मीसँग कुराकानी गर्दै एमाले अध्यक्ष अध्यक्ष ओलीले प्रजातान्त्रिक सिस्टममा हारजित हुने तर अहिले प्रजातान्त्रिक सिस्टमभन्दा पनि साँठगाँठे सिस्टम देखिएको बताउनु भयो ।
‘यो डेमोक्रेटीक सिस्टममा हारजित हुने कुरा हो तर यो डेमोक्रेटीक सिस्टम भन्दा पनि साँठगाँठे सिस्टम भयो,’ अध्यक्ष ओलीले भन्नुभयो ।
अध्यक्ष ओलीले जनमत पार्टीकी ममता झा उपराष्ट्रपतिको उम्मेदवार रहेकामा असन्तुष्टिसमेत व्यक्त गर्नुभयो। उहाँले भन्नुभयो ‘कसले जित्यो कसले हार्यो कसको शक्ति कति भन्ने कुरै भएन । अहिले त जनमत पार्टीले उपराष्ट्रपतिको उम्मेदवार उठाएको छ । यस्तोमा तपाईँहरु के हिसाब गर्नुहुन्छ ? ।’ उहाँले भन्नुभयो ।
विहान १० बजे सुरु भएको उपराष्ट्रपति पदका लागि मतदान जारी छ । रामसहायप्रसाद यादव, अष्टलक्ष्मी शाक्य र ममता झाले उम्मेदवारी दिनुभएको छ ।
युवा जनशक्ति निर्यात गर्ने देश
बिक्रीमा विद्यावारिधि ?
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच