काठमाडौं । नेपाल चलचित्र कलाकार संघको अध्यक्ष पदमा मोहन निरौला निर्वाचित हुनुभएको छ । शनिबार काठमाडौंमा भएको निर्वाचनमा निकटतम् प्रतिद्वन्द्वी रेजिना उप्रेतीलाई २६ मतान्तरले हराउँदै उहाँ विजयी हुनुभएको हो । मोहनको पक्षमा २३५ मत खस्दा रेजिनाले २०९ मत प्राप्त गर्नुभएको थियो ।निर्वाचनमा कूल ४६८ मत खसेको थियो ।
त्यस्तै, महासचिवमा सविन श्रेष्ठ र उपाध्यक्षमा कविता गेलाल र शिवहरि बैरागी विजयी हुनुभयो । यसैगरी, सचिवमा रामेश्वर बुर्लाकोटी र कोषाध्यक्षमा सुनिल कटुवाल विजयी हुनुभयो । सहकोषाध्यक्ष पदमा पवित्रा आचार्य निर्विरोध निर्वाचित हुनुभएको छ । पदाधिकारीमा निर्वाचित हुनेमा रेजिना प्यानलका बैरागीबाहेक अरु सबै निरौला प्यानलका हुन् ।
सदस्यमा शितल केसी सर्वाधिक ३०२ मतसहित विजयी हुनुभएको छ । अघिल्लो निर्वाचनमा पनि उहाँ सदस्यमा विजयी हुनुभएको थियो । सदस्यहरूमा गोपाल ढकाल ‘छन्दे’ (२८७), उद्दवप्रसाद भट्टराई (२११), पवन केसी (२०२), नम्रता खरेल (१८७), पुकार भट्टराई (१८२), खुश्बु खड्का (१७७), सरिता राधोपाध्याय (१४६), रोशन श्रेष्ठ (१३५) र समीर लामा (१३३) विजयी हुनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच