सिन्धुली । किसानलाई घरपालुवा पशु चौपाया जोगाउन मुस्किल परेको छ । चितुवाले गोठमै आएर दैनिकजसाे पशुचौपाया मार्न थालेपछि सुरक्षामा चुनौती थपिएकोे हो ।
महाभारत क्षेत्रको जंगलबाट आएर फिक्कल गाउँपालिकामा मात्रै एक साताको अवधिमा एक दर्जनभन्दा बढी गाईभैंसी, बाच्छाबाच्छी, खसीबोका चितुवाले मारेको फिक्कल गाउँपालिकाबासी बताउँछन् ।
चितुवाले दुईवटा गोरु र एउटा गाई मारेपछि भोक, निन्द्रा हराएको किसान हरिबहादुर सुनुवारले दुखेको पाेख्नुभयाे । मान्छेमाथि पनि आक्रमण गर्नसक्ने भयले यतिबेला स्थानीयलाई त्रसित बनाएको छ ।
दिउँसै चितुवा आउने डरले गाईबस्तु फुकाएर चरणमा लैजान समेत बन्द गरेको उहाँले बताउनुभयो । ‘चितुवाले मारेर बाँकी रहेका चौपाया जोगाउनै मुस्किल भएको छ । मान्छे कसरी जोगिने चिन्ता बढेको छ,’ उहाँले भन्नुभयो ।
फिक्कल गाउँपालिका अध्यक्ष पार्वती सुनुवारकाअनुसार निगुरे, भष्मे, चनौटे, सिलामे, खोर्सानी भन्ज्याङका किसानका पशुचौपायालाई चितुवाले बढी आक्रमण गरिरहेको छ । जंगलमा डढेलो लागेकाले चितुवा बस्ती छिरेर चौपाया मारेको हुनेसक्ने उहाँले बताउनुभयो ।
वन डिभिजनले समन्वय गरी निकुञ्जबाट कर्मचारी ल्याएर भएपनि चितुवा नियन्त्रणमा लिनुपर्ने स्थानीयबासीको माग छ । चितुवा कतिवटा छन् भन्ने यकिन छैन । डिभिजन वन कार्यालय सिन्धुलीका सूचना अधिकारी हेमकुमार थापाकाले पशुचौपाया क्षतिको विवरण संकलन भइरहेको जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच