काठमाडौं । नेपाली क्रिकेट टोलीका युवा विकेटकिपर आसिफ शेखले मेरिलेबोन क्रिकेट क्लब (एमसिसी) ले प्रदान गर्ने सिएमजे स्पिरिट अफ क्रिकेट अवार्ड २०२२ जित्नुभएको छ ।
आसिफले इंग्ल्याण्डका बेन स्टोक्स र जस बटलरलाई पछि पार्दै यो अवार्ड जित्नुभएको हो । आसिफले २०२२ को टी-२० विश्वकप छनोटमा आयरल्याण्डविरुद्ध देखाएको खेल भावनाका कारण इंग्ल्याण्डका दुई स्टारलाई पछि पार्दै उक्त अवार्ड जित्नुभएको हो ।
एमसिसी र बिबिसीले इतिहासमा पहिलोपटक मनोनयन सार्वजनिक गर्दै आसिफलाई उक्त अवार्ड प्रदान गरेका हुन् । गत वर्ष अल अमरेत क्रिकेट मैदानमा आयरल्याण्डविरुद्ध तीव्र गतिका बलर कमलसिंह ऐरीको १९औँ ओभरको तेस्रो बलमा मार्क आदिरले एक रन लिनेक्रममा नन स्ट्राइकबाट दौडिएका एन्डी म्याकबर्नी कमलसँग अल्झिएर लड्न पुग्नुभएको थियो ।
पुनः उठेर क्रिजतर्फ दौडिँदा मध्य भागमा पुग्नुभएका उहाँलाई सहजै रन आउट गर्ने अवसर आसिफ अघि थियो तर आसिफले रन आउट नगर्दै खेल भावना देखाएको कुरा विश्व क्रिकेटमा प्रशंसित भएको थियो । सोही कारण आइसिसीले पनि आसिफलाई स्पिरिट अफ द क्रिकेट इयर २०२२ अवार्ड प्रदान गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच