काठमाडौं । चलचित्र ‘गणपति’को पोष्टर सार्वजनिक गरिएको छ । आगामी २०८० सालको जेठ ५ सिनेमाघरमा आउने मिति तोक्दै चलचित्रको पोष्टर सार्वजनिक गरिएको हो । आस्थाको रूपमा रहनुभएका भगवान र भौतिक रूपमै पृथ्वीमा उपस्थित मानिसबीचको फरक देखाउने यो चलचित्रको पोष्टरमा प्रमूख कलाकारद्वय मुकुन भुसाल र मेनुका प्रधान समावेश छन् भने गणेशको अनुहार झल्किने मुकुण्डो लगाएको व्यक्तिलाई अगाडी राखिएको छ ।
सबिन अधिकारीको निर्देशन र लेखन रहेको यो चलचलचित्रमा मुकुन र मेनुकाको साथमा कविता न्यौपाने, सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, देवेन्द्र बब्लु, शुशील पोखरेललगायतको अभिनय छ ।
‘गणपति’ नाम धार्मिक सुनिए पनि चलचित्रमा कुनै पनि धर्मको विरोध वा प्रचार नगरिएको निर्देशक अधिकारीले जानकारी गराउनुभयो । चलचित्रमा अभिनेता भुसाल टाइटल क्यारेटरमा हुनुहुन्छ । ‘गणपति’ मा दर्शकले अहिलेसम्मकै भिन्न भूमिकामा आफूलाई देख्न पाउने भुसालको भनाइ छ ।
तनहुँको बन्दीपुर गाउँपालिका थारूवासमा सम्पूर्ण छायांकन भएको यो चलचित्र एबिगम्यान फिल्मसको ब्यानरमा लक्ष्मण थापाले निर्माण गर्नुभएको हो । चलचित्रमा हरिबहादुर घलेको छायांकन रहेको छ । गीतमा अनिस अधिकारीले शब्द तथा संगीत दिनुभएको छन् भने अनिस अधिकारी र देवेन्द्र बब्लुको स्वर छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच