धनकुटा । धनकुटामा बिहीबारदेखि कोशी प्रदेशस्तरीय दोस्रो खुला ब्याडमिन्टन प्रतियोगिता सुरु भएको छ । ब्याडमिन्टन संघ धनकुटाले आयोजना गर्न लागेको प्रतियोगिताको प्रतिनिधिसभा सदस्य तथा निवर्तमान सहकारी तथा गरिबी निवारणमन्त्री राजेन्द्रकुमार राईले उद्घाटन गर्नुभयो ।
धनकुटा नगरपालिका-६ स्थित सल्लेरीको कभर्डहलमा हुन गइरहेको उक्त खेलको छ विधामा एक सय १२ खेलाडीले सहभागिता जनाएको संघका अध्यक्ष योगेश्वर श्रेष्ठले जानकारी दिनुभयो ।
पुरुष सिंगलतर्फ १८, महिला सिंगलमा आठ, पुरुष डबलमा १७, मिक्स डबलमा १३, ४५ वर्षमाथि पुरुष डबलमा १८ र ५५ वर्षमाथि मिक्स डबलमा १४ टिमको सहभागिता रहेको आयोजकले जानकारी दिएको छ । धनकुटा नगरपालिकाको मुख्य प्रायोजनमा चार दिनसम्म सञ्चालन हुने उक्त खेल अन्तर्राष्ट्रिय रेफ्री अनुपरत्न शाक्यले खेलाउनुहुनेछ ।
प्रतियोगितामा खुला पुरुष र महिला सिंगल्समा प्रथम हुनेले २० हजार, दोस्रोले १२ हजार र तेस्रोले चार/चार हजार नगद पुरस्कार, मेडल, ट्रफी र प्रमाणपत्र पाउनेछन् ।
त्यस्तै, पुरुष डबल र मिक्स डबलमा प्रथम हुनेले ३० हजार, दोस्रोले २० हजार र तेस्रोले पाँच÷पाँच हजार पुरस्कार, मेडल, ट्रफी र प्रमाणपत्र पाउनेछन् । पैँतालिस वर्षमाथि र ५५ वर्षमाथि मिक्स डबलमा प्रथम हुनेले २५ हजार, दोस्रो हुनेले १५ हजार र तेस्रो हुनेले पाँच/पाँच हजार नगद पुरस्कार, मेडल, ट्रफी र प्रमाणपत्र पाउने आयोजकले जानकारी दिएकोे छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच