पेरिस । फ्रान्स र बेल्जियमले युरोकप छनोटको आ-आफ्नो खेलमा जित हात पारेका छन् । फ्रान्सले नेदरल्याण्ड्समाथि चार–शून्यको सानदार जित हात पारेको हो । फ्रान्सले खेलको दोस्रो मिनेटमा नै ग्रिजमनको गोलबाट अग्रता लियो । आठौँ मिनेटमा डेअट उपमेकानोले गोल गर्दै फ्रान्सको अग्रता दोब्बर पार्नुभयो । २१औँ मिनेटमा कप्तान एम्बाप्पेले गोल गर्दै फ्रान्सलाई सहज जिततर्फ अघि बढाउनुभयो । ८८औँ मिनेटमा कप्तान एम्बाप्पेले चौथो गोल गर्नुभयो ।
इन्जुरी समयको थप गरिएको पाँचौँ मिनेटमा नेदरल्याण्ड्सले पेनाल्टीको अवसर पाए पनि मेम्फिस डिपाएले गोल गर्न सक्नुभएन । यस जितसँगै समूह ‘बी’ मा फ्रान्सले तीन अंक बटुलेको छ । नेदरल्याण्ड्स अंकविहीन छ । यही समूहको अर्काे खेलमा ग्रिसले जिब्राल्टारलाई तीन–शून्यले पराजित गर्दै विजयी सुरुवात गरेको छ ।
यस्तै, रोमेलु लुकाकुले हृयाट्रिक गर्नुभएपछि बेल्जियमले स्विडेनलाई उसकै मैदानमा तीन-शून्यले पराजित गर्यो । खेलको ३५औँ मिनेटमा लुकाकुले गोल गर्दै बेल्जियमलाई पहिलो हाफमा एक-शून्यको अग्रता दिलाउनुभयो ।
४९औँ मिनेटमा लुकाकुले डोडीकै पासमा दोस्रो गोल गर्नुभयो । यस्तै, ८२औँ मिनेटमा लुकाकुले हृयाट्रिक पूरा गर्दै बेल्जियमलाई जित दिलाउनुभयो । यस जितसँगै समूह ‘एफ’ मा बेल्जियमले ३ अंक बटुलेको छ । स्विडेन अंकविहीन छ । यही समूहको अर्काे खेलमा अष्ट्रियाले अजरवैजानलाई चार-एकले पराजित गर्दै शीर्षस्थानमा रहेको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच