नयाँदिल्ली । भारतीय अन्तरिक्ष अनुसन्धान संगठन (ईसरो)को सबैभन्दा शक्तिशाली रकेटले ब्रोडब्यान्ड स्याटेलाइट इन्टरनेट सेवा उपलब्ध गराउने कम्पनी वानवेबका ३६ स्याटेलाइट प्रक्षेपण गरेको छ । इसराको लञ्च भेहिकल मार्क-३ (एलभिएम३) रकेटले भारतको सतिश धवन अन्तरिक्ष केन्द्रबाट स्थानीय समयानुसार आइताबर बिहान करिब ९ बजे ‘लिफ्ट अफ’ गरेको थियो ।
आइतबार बिहानै १० बजेतिर ईसरोले सबै स्याटेलाइटहरू सफल रूपमा लो अर्थ अर्बिट (एलईओ)मा स्थापित भएको जनाएको छ । यी स्याटेलाइटहरू पृथ्वीबाट ४५० किलोमिटरमाथि छोडिएको छ । आउँदा केही दिनमा आफैं पृथ्वीबाट १२ सय किलोमिटरमा स्थापित हुनेछन् ।
योसँगै वानवेबसँग अन्तरिक्षमा रहेका ब्रोडब्याण्ड स्याटेलाइटको संख्या ६१८ पुगेको छ । यसअघि, १७ प्रक्षेपण बढीजसी रूसी अन्तरिक्ष एजेन्सीबाट गरेर वानवेबले ५८२ स्याटेलाइट अन्तरिक्षमा राखिसकेको छ ।
स्पेसएक्सको स्टारलिंक र अमेजनको कुइपरझैँ वानवेबले सन् २०२३ भित्रमा अन्तरिक्षबाट व्यावसायिक रूपमा स्याटेलाइट इन्टरनेट सेवा उपलब्ध गराउने योजना राखेको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच