काठमाडौं । अख्तियार दुरुपयोग अनुसन्धान आयोगले संघीय राजधानी काठमाडौंमा नै २७ लाखभन्दा बढी नगद र चेक र घूसको बिटोसहित दुई जनालाई पक्राउ गरेको छ । पक्राउ पर्नेमा काठमाडौंस्थित नापी कार्यालय मनमैंजुका सर्वेक्षक रमेश उपरकोटी र उनीसँग सेटिङ गर्ने लेखापढी व्यवसायी अभिषेक कार्की रहेको अख्तियारले जनाएको छ ।
जग्गाको कित्ताकाट गर्ने क्रममा सेवाग्राहीसँग घूस मागिरहेको भन्ने सूचनाका आधारमा अख्तियारले मंगलबार गरेको स्टिङ अप्रेसनमा घूसको बिटोसहित उनीहरु फेला परेको अख्तियारका प्रवक्ता भोला दाहालले जानकारी दिनुभयो । उनीहरूलाई नियन्त्रणमा लिई थप अनुसन्धान थालिएको प्रवक्ता दाहालले बताउनुभयो ।
प्रवक्ता दाहालका अनुसार नापी कार्यालय मनमैंजुका रमेश उपरकोटी र लेखापढी व्यवसायी अभिषेक कार्कीले सेवाग्राहीसँग घूस मागेको र घूस रकम एक लाख ७५ हजार रुपियाँ लिइरहेको अवस्थामा अख्तियारको टोलीले पक्राउ गरेको हो । यसैगरी कार्कीको शरीरमा खानतलासी गर्दा थप सात लाख ६९ हजार ५०० नगद र १६ लाख बराबरको तीनवटा चेक फेला पारिएको अख्तियारले जनाएको छ । यसैगरी सर्वेक्षक रमेश उपरकोटीको शरीर खानतलासी गर्दा एक लाख ८५ हजार ३०० रुपियाँ फेला परेको छ ।
घूससहित पक्राउ परेका सर्वेक्षक उपरकोटी लमजुङ राइनास नगरपालिका–५ घर भई हाल काठमाडौंस्थित तारकेश्वर नगरपालिका–१० मनमैंजुमा बसोबास गर्दै आइरहेका छन् भने लेखापढी व्यवसायी अभिषेक कार्की रामेछापको रामेछाप नगरपालिका–७ घर भई हाल तारकेश्वर–१० मनमैंजुमा नै बसोबास गर्दै आइरहेका छन् ।
लाख ७५ हजार घूस माग गरी सो रकम लेखापढी व्यवसायी कार्कीलाई दिनू भनी सो कित्ताकाट गरिदिएको साथै त्यसपश्चात पनि निज कार्कीले पटकपटक फोन गरी दुःख हैरानी दिई बारम्बार घूस रकम माग गरेको भन्ने उजुरीका आधारमा अख्तियारले स्टिङ अप्रेसन गरेको थियो । अख्तियारका अनुसार घूस रिसवतबापतको रकम लेखापढी व्यवसायी अभिषेक कार्कीले सर्भेक्षक रमेश उपरकोटीलाई अग्रिम रुपमा दिई उनकै नाम लिएर सेवाग्राहीबाट रकम उठाउँदै गर्दा उनी नियन्त्रणमा परेका हुन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच