काठमाडौं । नेपाल उद्योग परिसंघ(सिएनआई) र इण्डियन च्याम्बर अफ कमर्सबीच लगानी, व्यवसाय प्रवद्र्धनलगायतमा सहकार्यका लागि सम्झौता भएको छ । सम्झौतापत्रमा सिएनआई अध्यक्ष विष्णुकुमार अग्रवाल र इण्डियन च्याम्बरका वरिष्ठ उपाध्यक्ष अमेय प्रभुले हस्ताक्षर गर्नुभएको छ । दुई संस्थाबीच लगानी तथा व्यवसाय प्रवद्र्धन, अध्ययन तथा अनुसन्धान, आपसी सहयोग, सूचना तथा जानकारीको आदानप्रदानलगायतमा सहकार्य हुने सिएनआईले जनाएको छ ।
सो अवसरमा अध्यक्ष अग्रवालले भारतको सबैभन्दा पुरानो संस्था इण्डियन च्याम्बरसँगको सहकार्यले दुुई देशबीच व्यवसायिक सम्बन्ध थप बलियो बनाउन महत्वपूर्ण भूमिका खेल्ने विश्वास व्यक्त गर्नुभयो । सिएनआईले अघि बढाइरहेको मेक इन नेपाल स्वदेशी अभियान, स्टार्टअप एवं उद्यमशीलता प्रवद्र्धनलगायत दुई देशका उत्पादन तथा सेवाको प्रवद्र्धनमा दुई संस्थाबीच सहकार्य हुने उहाँले बताउनुभयो ।
इण्डियन च्याम्बरका वरिष्ठ उपाध्यक्ष प्रभुले सहकार्य दुई देशबीच उद्योग, व्यापार र लगानीका क्षेत्रमा नयाँ सम्भावना खोज्न महत्वपूर्ण हुने बताउनुभयो । सिएनआईका उपाध्यक्ष निर्वाण चौधरीले सिएनआई र इण्डियन च्याम्बरबीचको सहकार्यले उद्योगीका समस्या, चुनौती पहिचान एवं समाधानका लागि दुवै संस्थाले लबिङ गर्ने र दुई मुलुकबीचको आर्थिक हितमा काम गर्ने बताउनुभयो ।
कार्यक्रममा वरिष्ठ उपाध्यक्ष राजेशकुमार अग्रवाल, उपाध्यक्षहरू वीरेन्द्रराज पाण्डे, हेमराज ढकाल, महानिर्देशक दिपकराज जोशी, इण्डियन च्याम्बरका महानिर्देशक डा. राजीव सिंहलगायतको उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच