काठमाडौं । अन्तर्राष्ट्रिय नेपाली साहित्य समाज (अनेसास) बोर्ड अफ ट्रस्टीका अध्यक्ष साहित्यकार पदम विश्वकर्मालाई सम्मान गरिएको छ । अनेसासको बोर्ड अफ ट्रस्टीमा निर्वाचित हुनुभएकोमा राजधानीका नौ साहित्यिक संस्थाहरूले बधाई तथा शुभकामना प्रदान गर्दै उहाँलाई सम्मान अर्पण गरेका हुन् ।
काठमाडौंमा आयोजित साहित्यिक पत्रकार संघका अध्यक्ष राधेश्याम लेकालीको सभापतित्वमा आयोजना भएको कार्यक्रममा विश्वकर्मालाई सम्मानपत्र प्रदान गरिएको थियो ।
साहित्यिक पत्रकार संघबाहेक बधाई ज्ञापन तथा सम्मान गर्ने अन्य संस्थाहरूमा नेपाल स्रष्टा समाज, नेपाल मुक्तक प्रतिष्ठान, वासु शशी स्मृति परिषद्, नियात्रा समाज नेपाल, सखी प्रतिष्ठान, उपन्यास समाज नेपाल, दामोदर पुडासैनी प्रतिभा पुरस्कार कोष र घुम्ती मुक्तक नेपाल रहेका छन् ।
वरिष्ठ आख्यानकार पुष्कर लोहनीको प्रमुख आतिथ्यतामा आयोजित सो समारोहमा नेपाल स्रष्टा समाजका अध्यक्ष श्रीओम श्रेष्ठ ‘रोदन’ ले स्वागत मन्तव्य राख्नुभएको थियो भने नियात्रा समाज नेपालका अध्यक्ष प्रतीक ढकालले कार्यक्रमको उद्देश्य र महŒवमाथि प्रकाश पार्नुभएको थियो ।
कार्यक्रममा प्रमुख अतिथि पुष्कर लोहनी, अध्यक्ष राधेश्याम लेकाली र सम्मानित साहित्यकार पदम विश्वकर्माले आ–आफ्नो मन्तव्य राख्नुभएको थियो ।
सखी प्रतिष्ठानकी अध्यक्ष मन्जिला अनिलले सञ्चालन गर्नुभएको कार्यक्रममा नेपाल मुक्तक प्रतिष्ठानका अध्यक्ष रामकाजी कोने, वासु शशी स्मृति परिषद्का सचिव प्रद्युम्न जोशी, उपन्यास समाज नेपालका अध्यक्ष शंकर भारती, दामोदर पुडासैनी प्रतिभा पुरस्कार कोषका संरक्षक डा. दामोदर पुडासैनी, घुम्ती मुक्तक नेपालका अध्यक्ष निर्मलरमण पराजुली, साहित्यकारहरू प्रमोद प्रधान, प्राडा गोविन्दमान सिंह कार्की, किशोर पहाडी, विमल भौकाजी, देविका तिमिल्सिना, सुमन वर्षा, सन्ध्या पहाडी, मीरा गोतामे र गायिका रितु कँडेललगायतको उपस्थिति थियो ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर