बारा । बारामा एसइईको प्रश्न पत्र बाहिर (आउट) ल्याउने एक जना विद्यार्थीको परीक्षा रद्द गरिएको छ ।
बाराको आदर्शकोतवाल गाउँपालिका स्थित श्रीरामचरित्र माध्यमिक विद्यालय परीक्षा केन्द्रमा परीक्षा दिइरहेका पवन साहको अंग्रेजी विषयको परीक्षा रद्द गरिएको प्रमुख जिल्ला अधिकारी नवराज सापकोटाले जानकारी दिनुभयो ।
परीक्षा मर्यादित तरीकाले संचालन गर्न नसकेको ठहर गर्दै सो परिक्षा केन्द्रका केन्द्राध्यक्ष सहित पाँच जनालाई जिम्मेवारीबाट हटाइएको उहाँले बताउनुभयो ।
केन्द्राध्यक्ष दिनेश प्रसाद साह, सहायक केन्द्राध्यक्ष पदमराज चौधरी र विजय चौधरी, निरीक्षकद्वय कुन्दन कुशवाहा र श्यामकिशोर गुप्तालाई पनि जिम्मेवारीबाट हटाएर उनीहरुको स्थानमा नयाँ शिक्षकलाई परिक्षा संचालनको जिम्मेवारी दिइएको प्रजिअ सापकोटाले बताउनुभयो ।
शुक्रवार पहिलो दिनको अंग्रेजी विषयको परिक्षा शुरु भएको केही समय मै परिक्षार्थीले मोबाइल मार्फत प्रश्नपत्र बाहिर ल्याएका थिए । प्रश्न पत्र बाहिर ल्याएको आरोपमा पक्राउ परेका एक जना विधार्थीलाई अनुसन्धान पछि रिहा गरिएको प्रजिअ सापकोटाले बताउनुभयो ।
श्री रामचरित्र माध्यमिक विद्यालयमा कचोर्वा, सिम्रौनगढ र पटेर्वाका गरी तीनवटा स्कूलको परिक्षा केन्द्र रहेको जनाइएको छ । तीनवटै स्कूलका ३ सय ५८ जना विधार्थीहरु यो केन्द्रमा परिक्षा दिइरहेकोमा शुक्रवार ९ जना अनुपस्थित रहेको केन्द्राध्यक्ष दिनेश प्रसाद साहले बताउनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच