रोशी शर्मा/हिटा
काठमाडौं । उपत्यका निर्माण व्यवसायी संघको नवौँ अधिवेशनबाट कृष्णप्रसाद गौतमको अध्यक्षतामा नयाँ निर्वाचित पदाधिकारीले बुधबार पद तथा गोपनीयताको सपथ लिएका छन् । नेपाल निर्माण व्यवसायी महासंघका अध्यक्ष रवि सिंहको उपस्थितिमा निर्वाचन अधिकृत अधिवक्ता युवककुमार गौतमले नवनिर्वाचित अध्यक्ष कृष्णप्रसाद गौतमलाई पद तथा गोपनीयताको सपथ गराउनुभएको हो । अध्यक्ष गौतमले नवनिर्वाचित अन्य पदाधिकारीलाई पद तथा गोपनीयताको सपथ गराउनुभएको थियो । सपथ ग्रहण कार्यक्रममा महासंघका उपाध्यक्ष एवं काठमाडौं उपत्यका निर्माण व्यवसायी संघका निवर्तमान अध्यक्ष बालकृष्ण थापा, पूर्वअध्यक्ष एवं महासंघका महासचिव रोशन दाहाल, बागमती प्रदेश निर्माण व्यवसायी महासंघका महासचिव राजकुमार बुढाथोकी, उपमहासचिव भक्तबहादुर बस्नेत, सदस्य चन्द्रकुमार वाइबालगायत दुई सय ५० व्यवसायीको सहभागिता थियो ।
सपथपछि अध्यक्ष गौतमले आफू धेरै भाषण नगरी काम गरेर देखाउने प्रतिबद्धता व्यक्त गर्नुभयो । उहाँले भन्नुभयो, ‘मेरो कामबाट सन्तुष्ट भई तपार्इंहरूले प्रशंसा गरेको दिनमा खुसीले अंकमाल गर्नेछु । निर्वाचनमा भाग लिएर सभ्य ढंगबाट निर्वाचन सम्पन्न गराई संघलाई सहयोग गर्नुहुने संघका निवर्तमान कार्यसमितिलगायत सबैलाई धन्यवाद दिन चाहन्छु ।’
महासंघ अध्यक्ष सिंहले संघसँग साथमा रही अघि बढ्दै सहयोग र सहकार्य गने प्रतिबद्धता व्यक्त गर्नुभयो । संघका निवर्तमान महासचिव एवं अध्यक्ष पदका प्रत्यासी शान्तकुमार श्रेष्ठले निर्वाचन भनेको प्रजातान्त्रिक अभ्यास भएकाले हारजित स्वाभाविक प्रक्रिया भएकाले निर्माण व्यवसायीका समस्या समाधानका लागि लागिरहने प्रतिबद्धता व्यक्त गर्नुभयो । उहाँले भन्नुभयो, ‘निर्माण कार्य सम्पन्न गरे तापनि भुक्तानी पाएका छैनौँ, निर्माण कार्यको सम्झौता गर्दा भएको दररेटभन्दा आज कैयौँगुणा निर्माण सामग्रीको मूल्यवृद्धि भएको छ । यसले गर्दा हामीलाई काम गर्न साह्रै कठिनाइ भएकाले आवश्यक छलफल गरी अघि बढ्न तपाईं-हामी एकजुट हुनुपर्ने अवस्था आएको छ ।’
संघको वरिष्ठ उपाध्यक्षमा कविन्द्र महर्जन, प्रथम उपाध्यक्षमा वासु खड्का, द्वितीय उपाध्यक्षमा तिलकबहादुर लामा र महासचिवमा पञ्चबहादुर तामाङ (विजय) रहनुभएको छ । नीतिगत उपमहासचिवमा कृष्ण केसी (कृस), आन्तरिक उपमहासचिवमा राजन गौतम, कोषाध्यक्षमा मनोज श्रेष्ठ र सहकोषाध्यक्षमा सञ्जीव शाक्य रहनुभएको छ । महिला सदस्यमा कविता भट्टराई र अन्य सदस्यमा भक्तबहादुर तामाङ, राजुप्रसाद चौलागार्इं, हरिराम तामाङ (थोकर), सुनिल लामा, तुलसीप्रसाद गौतम, विदुर शिवाकोटी, सुवास श्रेष्ठ, राहुलजंग कार्की र म्हेन्दो लामा रहनुभएको छ ।
फागुन १२ गते निवर्तमान शहरी विकासमन्त्री बिक्रम पाण्डेले उद्घाटन गर्नुभएको रजत जयन्ती, १७औँ साधारणसभा र नवाँै अधिवेशनमा कुल मतदाता संख्या १६ सय १६ रहेकोमा ११ सय २४ जनाले मतदान गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच