✍️ पदम दाहाल
ओल्लो घर पल्लो घर छैन चिनाजानी
बोलचाल छैन कतै कस्तो जिन्दगानी ।१।
अटाएन पहिचान कोही प्रिय छैन
छिमेकी रे चिनिँदैन भेटघाट छैन ।।२।
सहरको बस्ती राम्रो भन्दै आयौँ हामी
भिडमभिड जता पनि चोकैचोक दामी ।३।
सहयोग गर्ने बानी साथी साथ छैन
पँधेरो न खेतीबाली जाऊँ कतै छैन ।४।
ओल्लो कोठा पल्लो साँध बोली बात छैन
साँगुरियौँ कठै हामी मानवता छैन ।५।
ठिँगुरिए जस्तो मान्छे ओइलाएझैँ किन ?
एकल्काँटे भयो मान्छे सग्लिएन किन ? ।६।
सहर पस्ने रहरले फक्रिएन गाउँ
भरिएन रित्तो मान्छे खाली जता जाऊँ ।७।
मादी, सङ्खुवासभा
हाल : लोकन्थली, भक्तपुर ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच