काठमाडौं । थारु चलचित्र निर्माता तथा कलाकार परशुराम चौधरीको निधन भएको छ ।
स्वास्थ्यमा गम्भीर समस्या उत्पन्न भएपछि दुई महिनाअघि अस्पताल भर्ना गरिएका चौधरीको उपचारकै क्रममा शुक्रबार ४५ वर्षको उमेरमा युरोपको पोर्चुगलमा निधन भएको हो ।
अस्पतालले चौधरीको हृदयघातबाट मृत्यु भएको जनाएको छ । कमैया नामक डकुमेन्ट्रीमा उहाँले प्रमुख पात्रको भूमिका निर्वाह गर्नुभएको थियो ।
चौधरीकै अभिनय तथा लगानीमा थारु चलचित्र बौछार, जीवन एक लदिया हो लगायतका चलचित्र निर्माण भएका थिए । अन्तर्राष्ट्रिय करातेका खेलाडीसमेत रहनुभएका चौधरी थारु चलचित्रको निर्माण तथा अभिनयबाट चर्चामा आउनुभएको थियो ।
धनगढी उपमहानगरपालिका–१ शिवनगरका स्थायी बासिन्दा चौधरी २०११ मा युरोप जानुभएको थियो । केही वर्ष बेल्जियममा बस्नुभएका चौधरी २०१५ देखि पोर्चुगलमा बस्दै आउनुभएको थियो। चौधरीकी आमा, पत्नी र तीन छोरी हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच