मिलान । इन्टर मिलान इटालियन सिरी ‘ए’ फुटबलमा स्पेजियासँग २-१ ले पराजित भएको छ । घरेलु टोली स्पेजियाको जितमा ड्यानियल माल्दिनी र एमबाला एनजोलाले एक-एक गोल गर्नुभयो । इन्टरका रोमेलु लुकाकुले एक गोल फर्काउनुभयो ।
५५औँ मिनेटमा ड्यानियल माल्दिनीले गोल गर्दै स्पेजियालाई १-० को अग्रता दिलाउनुभयो । उहाँले एमबाला एनजोलाको पासमा गोल गर्नुभएको थियो । ८३औँ मिनेटमा रोमेलु लुकाकुले पेनाल्टीमा गोल गर्दै खेललाई १-१ गोलको बराबरीमा ल्याउनुभयो ।
८७औँ मिनेटमा एमबाला एनजोलाले पेनाल्टीमा गोल गर्दै इन्टरलाई हार चखाउनुभयो । स्पेजिया भने पाँचौँ जित दर्ता गर्न सफल भयो । यस जितसँगै स्पेजिया २६ खेलबाट २४ अंक जोडेर १७औँ स्थानमा रहेको छ । पराजित इन्टर २६ खेलबाटै ५० अंक जोडेर दोस्रो स्थानमा रहेको छ । इन्टर शीर्षस्थानको नेपोलीसँग १५ अंकले पछि छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच