नुवाकोट । नुवाकोटको पञ्चकन्या गाउँपालिकामा निशुल्क मोतिबिन्दु शल्यक्रिया शिविर सम्पन्न भएको छ ।
पञ्चकन्या गाउँपालिकाको वडा नं १, २, ३, ४ र ५ मा ४२ जनाको मोतिबिन्दुका बिरामीहरूको निशुल्क शल्यक्रिया गरिएको गाउँपालिकाका अध्यक्ष तेजबहादुर तामाङले जानकारी दिनुभयो । उहाँका अनुसार शिविरमा ५२ देखि ८७ वर्ष सम्मका बिरामीहरूको निशुल्क मोतिबिन्दुको शल्यक्रिया गरिएको छ ।
पी रविनहुड फाउन्डेसन र गाउँपालिकाको आर्थिक सहयोग एवं दृष्टि आँखा अस्पतालको प्रविधिक सहयोगमा सातकन्या नमुना आधारभूत विद्यालयको भवनमा फागुन २५ र २६ गते शिविर सञ्चालन गरिएको थियो ।
शिविरमा डा. भाइराजा श्रेष्ठको नेतृत्वमा खटिएको टोलीले मोतिबिन्दुको शल्यक्रिया गर्नुभएको थियो ।
त्यसैगरी गाउँपालिकाको वडा १, २ र ५ वडाका मोतिबिन्दुका बिरामीहरूको भने फागुन २६ शल्यक्रिया गरिएको फाउन्डेसनका कार्यक्रम संयोजक स्मृती शर्मा तिवारीले जानकारी दिनुभयो ।
शल्यक्रिया शिविर कार्यक्रममा गाउँपालिका अध्यक्ष तामाङ, फाउन्डेसनका कार्यक्रम संयोजक तिवारी, दृष्टि आँखा अस्पताल प्रमुख लगायतको उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच