बेइजिङ । चिनियाँ राष्ट्रपति सी जिनपिङले आफ्नो देशको सेनालाई ‘ग्रेट वाल अफ स्टिल’मा परिणत गर्न चाहेको बताउनुभएको छ ।
चिनियाँ राष्ट्रपतिका अनुसार चीन विश्वमा आफ्नो सार्वभौमसत्ता र विकाससँग सम्बन्धित आफ्नो हितका लागि सेनालाई निकै बलियो बनाउन चाहन्छ ।
साउदी अरेबिया र इरानबीच हालै भएको सम्झौतापछि चीनले दिएको राष्ट्रपति सी जिनपिङको यो भनाइलाई निकै महत्वपूर्ण मानिएको छ । यो सम्झौतालाई चीनले ठूलो कूटनीतिक पलटावको रूपमा लिइरहेको छ।
गत हप्ता चिनियाँ कम्युनिष्ट पार्टीको राष्ट्रिय कांग्रेसले सीको तेस्रो कार्यकाललाई अनुमोदन गरेको थियो। यसपछि जिनपिङले पहिलो पटक सार्वजनिक वक्तव्य दिनुभएको हो । चिनियाँ सेनालाई बलियो बनाउने आफ्नो इच्छा व्यक्त गर्नुका साथै सीले जनतालाई आफ्नो सरकारलाई समर्थन गर्न अपिल गर्नुभएको छ।
६९ वर्षीय जिनपिङले चिनियाँ संसदमा भन्नुभयो, ‘मैले तेस्रो पटक यस्तो उच्च राष्ट्रपतिको जिम्मेवारी सम्हाल्दैछु । जनताको विश्वास नै मेरो लागि सबैभन्दा ठूलो प्रेरणा हो। यही कुराले मलाई अगाडि बढ्न प्रेरित गर्छ । तर यसले मेरो काँधमा ठूलो जिम्मेवारी पनि राख्छ।’
चिनफिङले संविधानमा उल्लेखित जिम्मेवारी इमान्दारीपूर्वक पूरा गर्ने प्रतिबद्धता व्यक्त गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच