काठमाडौं । रोयल ब्लु सातदोबाटो युथ क्लब शहीद स्मारक ‘ए’ डिभिजन लिग फुटबलको शीर्ष स्थानमा उक्लिएको छ । च्यासल मैदानमा बिहीबार एफसी खुमलटारलाई २-१ गोल अन्तरले हराउँदै सातदोबाटो शीर्ष स्थानमा उक्लिएको हो ।
सातदोबाटोको जितमा दिपक सिंह ठकुरी र सर्डोरबेक मतमुरातोभले एक एक गोल गर्नुभयो । खुमलटारका राजिब लोप्चनले एक गोल फर्काउनुभयो । खेलको १३ औं मिनेटमा सर्डोरबेकले गोल गर्दै सातदोबाटोलाई सुरुवाती अग्रता दिलाउनुभएको थियो । २५ औं मिनेटमा दिपकले गोल गर्दा सातदोबाटो २-० ले अघि रह्यो । त्यसपछि खेलको ६३ औं मिनेटमा खुमलटारका राजिबले गोल गरेपनि सातदोबाटो २-१ ले विजयी भयो ।
शीर्ष स्थानमा उक्लिएको सातदोबाटोको यो चौंथो जित हो । सातदोबाटोले पाँच खेलमा १२ अंक जोडेको छ । खुमलटारले पाँच खेलमा ६ अंक जोडेको छ । तेस्रो हार व्यहोरेको खुमलटार सातौं स्थानमा रहेको छ । खुमलटार आठौं स्थानमा रहेको छ ।
यता, हिमालयन शेर्पा क्लब र संकटा क्लबले बराबरी खेल्दै अंक बाडेका छन् । एन्फा कम्प्लेक्समा बिहीबार भएको खेलमा हिमालयन र संकटाले गोलरहित बराबरी खेलेका हुन् । प्रतिस्पर्धात्मक खेलमा दुबै टोलीले पाएको अवसरलाई गोलमा परिणत गर्न सकेनन् । हिमालयनको यो दोस्रो बराबरी हो ।
यस बराबरीसँगै हिमालयनले पाँच खेलमा पाँच अंक जोडेर ११ औं स्थानमा रहेको छ । हिमालयन दशौँ स्थानमा रहेको छ । संकटाको यो तेस्रो बराबरी हो । संकटाले पाँच खेलमा ६ अंक जोडेको छ । संकटा सातौं स्थानमा रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच