काठमाडौं । भौतिक पूर्वाधार तथा यातायातमन्त्री प्रकाश ज्वालाले मुलुक निर्माणको जिम्मेवारी निर्माण व्यवसायीको काँधमा रहेको भन्दै निर्माण व्यवसायीसँग सहकार्य गर्न सरकार तयार रहेको बताउनुभएको छ । मंगलबार नेपाल निर्माण व्यवसायी महासंघका अध्यक्ष रवि सिंह नेतृत्वको प्रतिनिधिमण्डलसँगकोे भेटमा उहाँले मुलुक विकासका लागि पूर्वाधार नै महत्वपूर्ण क्षेत्र रहेको पूर्वाधार क्षेत्रमा योगदान दिने पात्र निर्माण व्यवसायी भएको बताउनुभएको हो । मन्त्री ज्वालाले भन्नुभयो, ‘सरकार र निर्माण व्यवसायी पक्ष-प्रतिपक्षी होइनन्, मिलेर काम गर्नुपर्छ ।’
निर्माण व्यवसायीका समस्याबारे सरकार जानकार रहेको स्पष्ट पार्दै उहाँले निर्माण व्यवसायीमैत्री ऐन कानुन निर्माणका लागि पहल गर्ने बताउनुभयो । साथै उहाँले राष्ट्र र जनताप्रतिको जिम्मेवारी बोध गर्दै काम गर्न ध्यानाकर्षणसमेत गराउनुभयो ।
महासंघ अध्यक्ष सिंहले भुक्तानी अभावका कारण निर्माण उद्योग अत्यन्त असहज अवस्थामा रहेको बताउनुभयो । भुक्तानी रोकिँदाको असर राज्यको ‘सप्लाई चेन’ मै परेको भन्दै उहाँले व्यवसायीले २० प्रतिशत मोबिलाइजेसन पेस्की रकम पाउनुपर्ने बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच