एजेन्सी । खगोलविद्हरूले पृथ्वीको आकारको चट्टानी एक्सोप्लानेटबाट रेडियो सिग्नल पत्ता लगाएका छन् । यी संकेतहरू निरन्तर आइरहेको उनीहरूको भनाइ छ । खगोलविद्हरूले त्यहाँ जीवन हुने आशा व्यक्त गरेका छन्, किनभने यो ठाउँलाई बस्न योग्य बनाउने सबैभन्दा महत्वपूर्ण कारक चुम्बकीय क्षेत्र यहाँ भएको अनुसन्धानकर्ताले दाबी गरिरहेका छन् ।
यो ग्रहको नाम वाइजेड सेटी बी हो र यसले पृथ्वीबाट करिब १२ प्रकाश वर्ष टाढा एउटा सानो रातो ताराको परिक्रमा गरिरहेको छ । यूएस नेशनल साइन्स फाउण्डेशनको नेशनल रेडियो एस्ट्रोनोमी अब्जर्भेटरीका कार्यक्रम निर्देशक जो पेसे भन्नुहुन्छ, ‘अर्को सौर्यमण्डलमा सम्भावित बसोवास योग्य ग्रहको खोज चट्टानी र पृथ्वी जस्तो एक्सोप्लानेटमा वास्तवमा चुम्बकीय क्षेत्र छ कि छैन भन्ने कुरामा निर्भर गर्दछ’, उहाँले भन्नुभयो, ‘यो अनुसन्धानले यो चट्टानी एक्सोप्लानेटमा चुम्बकीय क्षेत्रमात्र नभएर धेरै कुरा पत्ता लगाउन सकिने सम्भावना रहेको देखाएको छ ।’
यो संकेत न्यू मेक्सिकोमा कार्ल जीद्वारा प्राप्त भएको थियो । पेन्सिल्भेनियाको बकनेल युनिभर्सिटीका खगोलशास्त्री ज्याकी भिल्लाडसेनले डाटा हेरेर फेला पार्नुभएको थियो । विलाडसन भन्नुहुन्छ, ‘हामीले प्रारम्भिक विष्फोट देख्यौं र यो सुन्दर देखिन्थ्यो । जब हामीले यसलाई फेरि हेर्यौ, यसले संकेत दिन्छ जस्तो लाग्यो ।
सिग्नलहरू किन आउँदैछन् भन्ने बारेमा, भिलाडसन भन्नुहुन्छ, शक्तिशाली रेडियो तरंगहरू उत्पन्न भइरहेका छन्, किनभने ग्रहको चुम्बकीय क्षेत्रले यसको ताराबाट निस्कने प्लाज्मालाई पार गर्दछ । यस कारणले गर्दा, वाईजेड सेटी बीसँग यसको सानो कक्षाको बाबजुद चुम्बकीय क्षेत्र छ । यसले आफ्नो तारासँग यति अन्तक्र्रिया गर्छ कि यसको रेडियो तरंग पृथ्वीबाट समेत समातिएको छ ।
रेडियो तरंगहरूको बलको आधारमा, अन्वेषकले चुम्बकीय क्षेत्र देखाउन सक्षम भए, तर तिनीहरू भन्छन् कि यदि पुष्टि भयो भने, यो पहिलो चट्टानी, पृथ्वीको आकारको एक्सोप्लानेट हुनेछ जुन संकेत देख्न सक्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच