हुम्ला । हुम्लाको दक्षिणी भेगमा रहेको अदानचुली गाउँपालिकाका १६५ सुत्केरीले प्रोत्साहन भत्ता नपाएको गुनासो गरेका छन् । आर्थिक वर्ष २०७८/७९ मा प्रोत्साहनवापत पाउने भत्ता नपाएको उनीहरुको भनाइ छ ।
गाउँपालिकाले स्वास्थ्यचौकीलाई सुत्केरीले पाउने प्रोत्साहन भत्ता निकासा नदिएपछि ठूलो संख्यामा सुत्केरी महिलाले उक्त सुविधाबाट वञ्चित भएका हुन् । अदानचुली गाउँपालिका-१ की तारा महताराले आफू सुत्केरी भएको दुुई वर्ष पुग्नै लाग्दासमेत सुत्केरीले राज्यबाट पाउने भत्ता नपाएको गुनासो गर्नुभयो । पटक-पटक स्वास्थ्य चौकीमा उक्त भत्ता माग्न जाँदा निकासा नआएको जवाफ पाउने गरेको बताउँदै सुत्केरी महिलाहरूले अब त माग्नसमेत छोडेका छन् ।
सुत्केरीले चार पटक गर्भ जाँच गरेको चार सयका दरले एक हजार छ सय र प्रसूतिगृहमा सुत्केरी भएबापत रु तीन हजार प्रोत्साहन भत्ता गरी रु चार हजार ६ सय हालसम्म पाउन सकेका छैनन् । भत्ता श्रीनगर स्वास्थ्य चौकीबाट प्रसूति गृहबाट घर फर्कने बेला पाउनुपर्ने भए पनि हालसम्म पाउन नसकेको उनीहरुको भनाइ छ ।
श्रीनगर स्वास्थ्य चौकीका अनमी सुस्मिता फडेराकाअनुसार सबै सुत्केरीले पाउनुपर्ने भत्ता रु सात लाख ५९ हजार छ । आफूहरूले भत्ता निकासाका लागि पटक-पटक गाउँपालिकालाई जानकारी गराए पनि नआएको उहाँको भनाइ छ ।
गाउँपालिकाका निमित्त प्रमुख प्रशासकीय अधिकृत मेघनाथ शाहीले आफू साउनमा मात्रै आएका कारण त्यस सम्बन्धमा कुनै जानकारी नभएको बताउनुभयो । रासस
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच