म्याग्दी । म्याग्दी नदीको कटानका कारण उच्च जोखिममा परेको म्याग्दीको बेनी नगरपालिका वडा नं २ बगरफाँटलाई कटानबाट जोगाउनका लागि म्याग्दी नदी किनारामा ग्याविन जाली भरेर पर्खाल लगाइएको छ ।
सातवर्ष अघि २०७२ सालदेखि बगरफाँटलाई नदी कटानबाट जोगाउनका लागि संरक्षणको काम हुँदै आएको छ ।
चालु आव २०७९–०८० मा पनि खानेपानी,जलश्रोत तथा सिंचाइ विकास डिभिजन कार्यालय म्याग्दीको रु १० लाखमा १ सय १२ थान जाली भरेर करिव ५० मिटर लम्वाइ र ३० मिटर उचाइको पर्खाल निर्माण कार्य सम्पन्न भएको छ ।
त्यस अघि गत आर्थिक वर्ष २०७८–०७९ मा खानेपानी,जलश्रोत तथा सिंचाइ विकास डिभिजन कार्यालय म्याग्दीकै रु १५ लाख लागतमा १ सय २३ थान तीन लिएर जाली भरेर पर्खाल निर्माण गरिएको बगरफाँट वस्ती संरक्षण आयोजनाका अध्यक्ष नारायणबहादुर कार्कीले बताउनुभयो ।
त्यसैगरी आर्थिक वर्ष २०७७–०७८ मा खानेपानी,जलश्रोत तथा सिंचाइ विकास डिभिजन कार्यालय म्याग्दी मार्फत गण्डकी प्रदेश सरकारले रु २० लाख र आर्थिक वर्ष २०७६–०७७ मा गण्डकी प्रदेश सरकारकै रु ५० लाखको लागतमा बगरफाँटको दुधेखोलादेखि बाङ्गेघरासम्म करिब २ किलोमिटर क्षेत्रमा ग्याविन जाली भरेर तटवन्ध गरिएको अध्यक्ष कार्कीले जानकारी दिनुभयो ।
बगरफाँट क्षेत्रको रातढुंगादेखि पलाँसे सम्मको क्षेत्र म्याग्दी नदीको कटानका कारण उच्च जोखिममा परेको थियो । वस्ती संरक्षणका लागि म्याग्दी नदी किनारको यस क्षेत्रमा ग्याविन जाली लगाउनु बाहेक अर्को विकल्प नरहेकोले नदीको धार परिवर्तन गरी नदीजन्य वस्तुहरुलाई बगरफाँटतर्फ स्थानान्तरण गर्दै ग्याविन जाली लगाइएको हो ।
करिव २ सय घरधुरीको बसोबास रहेको बगरफाँट गाउँ हिउँदमा खतरामुक्त रहेपनि वर्खामा भने नदी कटानका कारण सधै जोखिममा रहने गरेको स्थानीयले बताएका छन् ।
२०७५ सालमा स्थानीय पूर्वाधार तथा साझेदारी कार्यक्रममार्फत प्राप्त रु १० लाखबाट नदीजन्य वस्तुहरुको स्थानान्तरण गराइ उच्च जोखिममा रहेका बगरफाँटका पलाँसे,खहरेखोला,हरिहर शिवमन्दिर क्षेत्र र जरुवामा संरक्षणको काम सुरु गरिएको अध्यक्ष कार्कीले बताउनु भयाे । त्यस अघि पनि विभिन्न निकायहरुको सहयोगमा नदी किनारामा ग्याविन जाली लगाउने काम गरिएको थियो ।
अध्यक्ष कार्कीका अनुसार त्यतिखेर म्याग्दी नदीको धार परिवर्तन नहुने गरी बेनी नगरपालिका वडा नं ६ डम्मराका वासिन्दाहरुको आपसी सहमतिमा म्याग्दी नदीको करिब पाँच मिटर क्षेत्रबाट स्काभेटरको प्रयोग गरी नदीजन्यवस्तु (ढुङ्गा,गेगर,वालुवा) आदि निकालेर बगरफाँट क्षेत्रमा स्थानान्तरण गरिएको थियो ।
नदीले बगरफाँटको करिब १ सय ५० रोपनी क्षेत्रफलको जग्गा कटान गरेर बगाइ सकेको छ भने खहरेखोला,हरिहर शिवमन्दिर क्षेत्र,पलासे र जरुवा उच्च जोखिममा परेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच