जुम्ला । जुम्लामा भएको चौथो जुम्ला-रारा अल्ट्रा म्याराथन प्रतियोगितामा २५० खेलाडी सहभागी भएका छन् । रारा ४९ किलोमिटर दौड, पाँच हजार मिटर र एक हजार मिटर दौड प्रतियोगिता आयोजना गरिएको हो । ४९ किलोमिटर दौडमा १२ महिलासहित ५१ जना, एक हजार मिटर दौडमा ८७ जना र पाँच हजार मिटर दौडमा १०७ जना खेलाडी गरी करिब साढे दुई सय खेलाडी प्रतियोगितामा सहभागी भएका थिए ।
प्रतियोगिताको कर्णाली प्रदेश सरकारका मुख्यमन्त्री राजकुमार शर्माले उद्घाटन गर्नुभएको थियो । उहाँले कर्णालीको आर्थिक, सामाजिक तथा पर्यटन विकासका लागि खेल क्षेत्रको प्रवद्र्धन आवश्यक रहेको बताउनुभयो ।
‘कर्णाली समृद्धिको आधारमध्ये एउटा पर्यटन हो र पर्यटनलाई खेलकुदले प्रवद्र्धन गर्छ,’ उहाँले भन्नुभयो, ‘कर्णालीको पर्यटन प्रवद्र्धनमा अल्ट्रा म्याराथन कोशेढुंगा साबित हुनेछ । कर्णाली सरकार खेलकुदको प्रवद्र्धन गर्न तयार छ ।’ मुख्यमन्त्री शर्माले विकास र समृद्धिका लागि खेल क्षेत्रको विकास आवश्यक रहेको बताउनुभयो ।
राष्ट्रिय खेलकुद परिषद्का सदस्य-सचिव टंकलाल घिसिङले जुम्लाले खेलकुदमा गरेको महत्वपूर्ण योगदानको प्रशंसा गर्नुभयो । जुम्ला-रारा म्याराथनलगायत अन्य खेलको प्रवद्र्धनमा टेवा पुग्ने उहाँको भनाइ थियो ।
परिषद्ले यसै आवमा जुम्लाको पातारासीमा बन्दै गरेको हाईअल्टिच्युड ट्रेनिङ सेन्टरका लागि बजेट विनियोजन भइसकेको जानकारी उहाँले दिनुभयो । हरिबहादुर रोकायाले नेपाल र जुम्ला चिनाउनुका साथै आफूमात्रै नभएर धेरै खेलाडी जन्माएकोमा गौरव भएको उहाँले बताउनुभयो । हरेक वर्ष कर्णाली स्पोर्ट्स क्लबले अल्ट्रा-रारा म्याराथन आयोजना गर्दै आएको छ ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर