काठमाडौं । सर्वाधिक मन पराइएको गीत ‘सिमसिमे पानीमा’को नयाँ भर्सन सार्वजनिक गरिएको छ । यो गीतको नयाँ अडियो र भिडियो बुद्ध जयन्तीको अवसर पारेर सार्वजनिक गरिएको हो । यो गीत रेकर्ड भएको तीन दशकको अवसर पारेर गायिका रेखा शाहले नयाँ अडियो र भिडियो सार्वजनिक गर्नुभएको हो ।
मुम्बईस्थित यशराज स्टुडियोमा रेकर्ड गरिएको नयाँ अडियोमा रिकेश गुरुङ ‘कि’ को संगीत संयोजन तथा उत्पादन रहेको छ भने भारतीय वाधवादकहरूको वाद्यवादन रहेको छ । भारतीय सिनेमाका चर्चित गीतहरूको रेकर्डिङ र ध्वनि मुद्रण गर्ने विजय दयालले सिमसिमे पानीलाई नयाँ स्वरूपमा उतार्नुभएको छ ।
‘आधुनिक प्रविधि र सुविधा सम्पन्न रेकर्डिङ स्टुडियोमा गीत रेकर्ड गर्ने सपना थियो, त्यो सपना मेरो जीवनको परिचायक गीतबाट पूरा गर्न पाएँ । यसले मलाई थप हौसला प्रदान गरेको छ,’ गायिका शाहले भन्नुभयो । सिमसिमे पानीमाको लयलाई सहनाईले ध्वनिमा उतारेको गीतले श्रोतालाई नयाँ स्वाद दिनेमा गायिका शाह विश्वस्त हुनुहुन्छ ।
यो गीतका दुईवटा म्युजिक भिडियो पनि एकैसाथ सार्वजनिक गरिएको छ । गीतलाई कथानकसँग बुनेर बनाइएको भिडियोमा गायिका शाहले अभिनेता महेश त्रिपाठीसँग अभिनय गर्नुभएको छ । रूपेश थापाको छायांकन र निर्देशन रहेको उक्त गीतमा मिलन विश्वकर्माको सम्पादन गर्नुभएको हो । नेपाली कलाकारिता क्षेत्रको एउटा कथालाई यो भिडियोमा प्रस्तुत गरिएको छ ।
त्यस्तै, यही गीतको स्टुडियो भर्सनको भिडियो पनि सार्वजनिक गरिएको छ । गीतमा प्रयोग भएका वाधवादकहरूलाई दृश्यमा उतारिएको छ, जहाँ गायिका शाहले आकर्षक डिजाइनको स्टुडियोमा लाइभ गीत गाउनुभएको छ । यस भिडियोको छायांकन र निर्देशन पनि रूपेश थापाले नै गर्नुभएको हो । सम्पादन मिलन विश्वकर्माकै छ ।
रेखा शाह फाउण्डेशनको प्रस्तुतिमा रेखा शाह नामक आफ्नै युट्युब च्यानलबाट सार्वजनिक गरिएका भिडियोले दर्शक/श्रोतामा सांगीतिक ऊर्जा थप्ने गायिका शाहको विश्वास छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच