काठमाडौं । नक्कली भुटानी शरणार्थी प्रकरण अनुसन्धानका क्रममा प्रहरीले भुटानी शरणार्थी नेता टेकनाथ रिजाललाई पक्राउ गरेको छ ।
रिजाललाई पक्राउ गरिएको जिल्ला प्रहरी परिसर काठमाडौंले जनाएको छ ।
समाचार स्रोतका अनुसार बिहीबार अपरान्ह ५ बजे रिजाललाई प्रहरीले काठमाडौंबाट पक्राउ परेको हो ।
नक्कली भुटानी शरणार्थी प्रकरणमा पक्राउ परेका केशव दुलाल, सानु भण्डारी लगायतले दिएको बयानका आधारमा रिजालमाथि प्रहरीले निगरानी बढाएको थियो । गिरोहसँग उनको पनि आर्थिक साँठगाँठ रहेको तथ्यहरु भेटिएपछि प्रहरीले उनलाई नियन्त्रणमा लिएको हो ।
रिजाल भुटानबाट विस्थापित भइ नेपालमा शरण लिइरहेका शरणार्थीहरु मध्येका उच्च तहका व्यक्ति हुन् । रिजालले शरणार्थी अधिकारका क्षेत्रमा काम गर्दै आएका छन् । तर उनी आफैं नै गिरोहसँगको आर्थिक लेनदेन गरेको तथ्य भेटेपछि प्रहरीले उनलाई पक्राउ गरेको हो ।
रिजाल भुटानी शरणर्थीलाई भुटानमै पुनर्स्थापित गर्ने मुद्दा लिएर उनीहरूको अधिकारका लागि वकालत गर्दै आएका थिए । उनीसहित नक्कली भुटानी शरणार्थी प्रकरणमा पक्राउ पर्नेका संख्या १६ पुगेको छ । सोही प्रकरणमा आज मात्रै नेपाल हज समितिका अध्यक्ष शमशेर मियाँ पनि पक्राउ परेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच