काठमाडौं । नेपाली कांग्रेस तनहुँका पूर्व जिल्ला सभापति बद्री हरि भट्टराईको निधन भएको छ । ७७ वर्षको उमेरमा बी.पी. कोइराला मेमोरियल क्यान्सर अस्पताल भरतपुरमा उपचारका क्रममा बुधबार राति उहाँको निधन भएको हो । उहाँ व्यास नगर कार्यसमितिका पूर्व सभापति र नेपाल प्रजातन्त्र सेनानी संघका निवर्तमान केन्द्रीय सदस्यसमेत रहनुभएको थियो ।
उहाँले २०२९ सालमा तरुण आन्दोलनमा गिरफ्तार भई दुई वर्ष जेल जिवन बिताउनुभएको थियो । त्यसपछि पनि उहाँ पटक-पटक गिरफ्तार हुनु भएको थियो । स्वर्गीय भट्टराईले नेपालको लोकतान्त्रिक आन्दोलनहरूमा सक्रिय भूमिका निर्वाह गर्नु भएको थियो । उहाँको निधनबाट नेपाली कांग्रेसले एक अग्रज व्यक्तित्वलाई गुमाएको छ ।
उहाँको निधनप्रति नेपाली कांग्रेसका सभापति शेरबहादुर देउवाले गहिरो दुःख व्यक्त गर्नु भएको छ । उहाँप्रति भावपूर्ण श्रद्धाञ्जली अर्पण गर्दै आत्माको चिर शान्तिको कामना साथ शोक सन्तप्त परिवारजनप्रति पार्टी र आफ्नो तर्फबाट गहिरो समवेदना प्रकट गर्नु भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच