अमेरिकाको जक्सन हाईटमा भट्टका पाँच कृति सार्वजनिक

न्यूयोर्क । लोक कवि सुरेशकुमार भट्टका पाँचवटै लोककाव्यहरूको एकैसाथ बिहीबार साँझ अमेरिकाको न्यूयोर्कस्थित जक्सन हाईटको ब्यञ्जन प्यालेस हलमा न्यूयोर्क अमेरिका बस्नु हुने साहित्यकार तथा नेपाली साहित्य अनुरागीहरूबीच दशजनाबाट एकैसाथ सोली डोली लोकवेद महाकाव्य, साइनु लोककाव्य, काँचुली उक्तक ‘लोककाव्य, मलाई मन पर्छ, बालगीति कविता संग्रह र कोरोना कहर तृतीय समर लोक कविता सार्वजनिक गरियको थियो ।

न्यूयोर्क बस्नु हुने गोरखालीहरूको आफ्नै सहयोगी सुपरीचित सामाजिक संस्था ‘गोरखा समाज’ले आयोजना गरेको तथा अनेसास न्यूयोर्कको सहयोग र एभरेष्ट फेडरल क्रेडिट युनियनको सहभागितामा सम्पन्न गरिएको सो साहित्यिक कार्यक्रमको अध्यक्षता गोरखा समाजका अध्यक्ष खाम भट्टले र स्वागत सोही समाजका पूर्वअध्यक्ष विकास पाण्डेले गर्नुभएको थियो भने अनेसास बोर्डअफ ट्रष्टीका केन्द्रीय महिला सदस्य साहित्यकार रश्मि भट्टले उद्घोषण गर्नु भएको थियो ।

लोककवि भट्टलाई अनेसास बोर्ड अफ ट्रष्टी तथा न्यूयोर्क च्याप्टरकी उपाध्यक्ष लक्ष्मी श्रेष्ठले श्रष्टा सम्मान पत्र र बोर्ड अफ ट्रष्टी तथा च्याप्टर कै महासचिव जानुका वस्तीले दोसल्ला ओडाएर एकैसाथ सम्मान गर्नु भएको थियो । यसअघि नै लोककवि भट्टलाई स्वागतका क्रममा अध्यक्ष खाम भट्टले माला लगाएर सम्मानको चिनो प्रदान गरी आशनमा बसाउनुभएको थियो ।

लोक कवि सुकुमार भट्टका काव्यहरूमाथि अनेसास बोर्ड अफ ट्रष्टी तथा साहित्यकार शकुन ज्ञवाली, उपाध्यक्ष लक्ष्मी श्रेष्ठ महासचिव जानुका वस्ती, साहित्यकार तथा गीतकार पद्मालिकखा मगर, साहित्यकार किसन धामी, पूर्वअध्यक्ष विकास पाण्डे, पूर्वअध्यक्ष अञ्जन श्रेष्ठका साथै अतिथि डा.मोह भट्ट, साहित्यकार डा.राजन थपलिया, मोहन ज्ञवाली, जीवन थापा र बासु लामिछानेले मन्तव्य राख्नुभएको थियो । साहित्यकार रश्मि भट्टले समग्रमा पाँचै कृतिको संक्षेपमा समीक्षा प्रस्तुतगर्नु भएको थियो ।

लेखकीय मन्तव्यमा सबैलाई धन्यवाद दिँदै लोक कवि भट्टले भन्नुभयो, ‘यो पातालमा मलाई यति गह्रौं र बोझिलो सम्मान दिनुभयो कि मैले शारीरिक कमजोरीको पर्वाह नगरी बोक्नै पर्ने भो किनकि साहित्यिक सिर्जनामा लाग्न सक्ने ऊर्जा थपिदिनुभएको छ । म तपाईहरूको प्रेरणाको प्रतिउत्तरमा प्रणगर्छु कि दुई-चारवटा पुस्तक एक वर्षभित्रमै प्रकाशनमा ल्याएर तपाईहरू सामु पुनः उपस्थित हुनेछु । जसमा नयाँशैली र लोक कथा हुनेछ । मुख्यतः तीनवटा छन्द मान्छु, म पहिलो शास्त्रीय छन्द, दोस्रो लोक छन्द र तेस्रो गीति छन्द । विशेषत मेरा सिर्जना यात लोक छन्दमा वा गीति छन्दमा हुने गर्छन् । जसमा अन्त्यानुप्राश मेरो विशेषता हो भने अुग लोक गाथा नै हो । मेरो लेखनको पाटो लोकबोली नै हो नाम लोकवार्ता भनेर नाम दिए पनि नदिए पनि नेपाली साहित्यको माता ‘लोक गाथा’ हो ।’

गाथाभित्र अर्थात् लोक बोलीभित्र कर्खा, कथा, कहावत, जनश्रुति, उखान टुक्का, गाली, प्रशंसा, स्यावासी पुकार आदि हुन्छन् जुन लोकमा युगौं युगदेखि चलिआयो ऐले लोप हुँदै हराउँदै गएकाले ती शब्दलाई पुस्तकका म्युजियममा (अजायव घर) संग्रहित गरी जीवित राख्ने लक्ष्य रहेको बताउनुभयो । तेसैले नेपाली साहित्यको आमा लोक गाथा मर्न नदिने प्रण गरेको बताउनुभयो । उहाँले लेखनमा पाठकले नवीनताको नवीनता पाउन्न तर पुरातनको कविताको रमिता पाउँछ । जुन कतिपय आधुनिक पाठकका लागि पुरानो तर नयाँ अनुभूति गर्छ । जति गहिरिँदै जान्छ उत्ति पाउने बताउनुभयो ।